It(em) joffrouwe machelt weduwe hunghs wilen roelofs in jegenword(icheyt)/ der scepen(en) van loeven van loeven gestaen heeft gegeve(n) ende bekent dat/ si gegeve(n) heeft gheerde den becke(re) van he(re)nt hoe(r) hof gelege(n) te he(re)nt/metde(n) wynnen [mette(n) huysen hove(n) en(de)] met xxi boende(r) wy(n)nents lants of daer omtrent/ en(de) met vier boende(re)n en(de) drie dachmalen eeusels luttel min of meer/ te houden te hebben en(de) te wynnen(e) van half m(er)te naist comende tot/ ene(n) t(er)mine van x jae(re)n lanc deen na dande(r) daer na sond(er) middel/ volghende dats te weten(e) de wynnende lande elx jairs hier en bynne(n)/ op helicht vande(n) vrucht en(de) coren dat dair jaerlex op wasse(n) sal en(de)/ toexst als dat core(n) inde(n) banc sal sijn soe sal de vorscr(even) wynne der/ vors(creven) joffrouwe(n) machtelden helicht inde schuere aldaer vueren eer hi tsine/ ruere(n) of vuere(n) sal moeghen en(de) toexst als men tvors(creven) coren in doen/ sal soe sal de vorscr(even) joffrouwe mechtelt daer ene(n) knape(n) bisetten die/ de vors(creven) wynne den cost geven sal alsoe lang als dat duere(n) sal/ en(de) soe wa(n)neer de vorscr(even) joffrou mechtelt hoe(r) helicht aldaer wille/ doen derssche(n) soe sal de vorscr(even) wynne den dersscher den cost geven/ en(de) i daer voe(r) sal de wynne caf en(de) crientsen behoude(n) en(de) der vors(creven)/ joffrouwe mechtelt helicht gedersschen wesende soe sal hoe(r) jaerlex/ de vors(creven) wynne tcore(n) daer af te loeven leve(re)n voert sal de vorscr(even)/ wynne der vors(creven) joffrouwe(n) mechtelde(n) [vande(n) beemde(n) ald(aer) jaerlex] geve(n) den vors(creven) t(er)mine duerende/seve(n)ne xxvii hollansche gulden(en) van goud goit en(de) gheve te s(int)/ m(er)tens misse te betale(n) alle jae(re) den vors(creven) t(er)mine dueren(de) en(de) telke(n) t(er)mine/ als v(er)volghde scout Item sal de vors(creven) wynne jaerlex in tvors(creven) hof leve(re)n/ vijftich mandele(n) walme(re)n goit en(de) custbair om die huysinge daer mede/ te decke(n) en(de) soe wa(n)neer die aldaer verdecke(n) sal daer af sal de vors(creven)/ wynne den wercliede(n) den cost gheve(n) en(de) joffrouwe mechtelt de/ dachue(re)n Ite(m) es vorwarde dat de vors(creven) wynne de huysinge aldair/ vand(en) nederst(en) rikelen nederw(er)t houden sal van en(de) doen make(n) van/ plecke(n) also v(er)re als sijn beeste(n) die breke(n) suele(n) en(de) alle tgoet [de vrucht] dat/ op tvors(creven) goet jaerlex wassen sal dat sal de vors(creven) wynne al int/ vors(creven) hof brenge(n) en(de) en(de) mest d(aer) af make(n) en(de) dat wed(er) op tvors(creven)/ lant vuere(n) slands meest p(ro)fite en(de) nergens elde(r) en(de) alle doeft/ dat inde(n) boeg(ar)t aldaer wassen sal dat suele(n) de vors(creven) wynne joffr(ouwe)/ en(de) alle de willighe(n) die daer verdroege(n) suele(n) die sal de vors(creven)/ wynne moege(n) afhouwe(n) en(de) twee boende(r) pote(n) daer voe(r) wed(er) sette(n)
//
mechtelt en(de) de wynne half en(de) half deylen en(de) hebben en(de) dat op/ hoe(r) gemeynd(er) cost t(er) erden leve(re)n en(de) de vors(creven) wynne dsal der vorscr(even)/ machtelden hoe(r) helicht van dien oeft te loeven leve(re)n noch es vorwarde/ dat de vors(creven) wynne der vorscr(even) joffrouwe(n) mechtelde(n) alle jae(re) den vorscr(even)/ t(er)mine duerende die drie voed(er) hoys uut henterbroec? dat de vors(creven) joffr(ouwe)/ mechtelt den vors(creven) wynne aldaer leve(re)n sal met sine(n) waghen en(de) p(er)den/ tot hoe(re)n huys te loeven leve(re)n oec sal de vors(creven) wynne jaerlex den vors(creven)/ t(er)mine duerende vande(n) vors(creven) lande voe(r) uut behouden een half dachmael/ lants gelege(n) aen de donckerst(ra)te en(de) soe wes de selve wynne jaerlex/ daer op wynne(n) sal dat sal hi alleen tot sine(n) p(ro)fite behoude(n) It(em) es/ vorwarde soe wat tide bynne(n) den vors(creven) t(er)mine de [alse vanden] staken die come(n)/ suele(n) vande(n) willlige(n) staende int eeusel gehete(n) de wyden en(de) des/ gelijx die [willige(n)] staend int eeusel gehete(n) themelrijc ja als [op dat] men die/ houwt te behoe[r]like(n) tide(n) dat de vors(creven) wynne die brenge(n) en(de) leve(re)n/ sal op der vors(creven) joffr(ouwe) mechtelde(n) wijng(ar)t bynne(n) loeven gelege(n) en(de)/ de vors(creven) wynne en sal bynne(n) den vors(creven) t(er)mine negheen eyken moeghen/ truncke(n) mer alle ande(re) houte op den vors(creven) goede staende uutgesceiden/ op de vors(creven) twee eeusele(n) sal de vors(creven) wynne moege(n) truncke(n) om sijn/ b(er)ringe(n) daer af te maken t(er) minst(er) scaden noch es vorwarde alse/ van alsulke(n) twee boende(re)n lants die [als] de vors(creven) joffr(ouwe) machtelt liggende/ heeft tussche(n) de vest van loeven en(de) den roesselb(er)ch dat de vors(creven) wynne/ hoe(r) die bynne(n) jaerlex den vors(creven) t(er)mine duerende bynne(n) wynne(n) sal/ m(er) joffrouwe mechtelt sal hem den zaet d(aer) toe leve(re)n daer in de vors(creven)/ wynne gheen recht hebbe(n) en sal en(de) als tcore(n) daer af toexst inde(n)/ banc sijn sal soe sal hoe(r) de vors(creven) wynne dat te loeve(n) leve(re)n tot hoe(re)n/ huys daer voe(r) hi tcaf daer af comende wed(er) hebbe(n) sal It(em) es vorw(er)de/ dat de vors(creven) wynne jaerlex den vors(creven) t(er)mine duerende der vors(creven)/ joffr(ouwe) mechtelde(n) te loeve(n) brenge(n) sal [tot hoe(re)n huys] met sine(n) waghen en(de) p(er)den/ alsulke(n) wijn als jaerlex wasse(n) op den wijng(ar)t gelege(n) op tvelt/ van he(re)nt en(de) de vors(creven) wynne sal de vors(creven) lande [jaerlex den vors(creven) t(er)mine] wynnen ende/ werve(n) wel en(de) loflec gelijc sine(n) reengenote(n) bove(n) en(de) benede(n) ende/ laten ten eynde vande(n) vors(creven) t(er)mine gelijc hier na volght dats/ te wete(n) sess boende(r) met rogge besayt en(de) een boende(r) met taruwe(n)/ besayt op vier tideghe voren en(de) vi(½) boende(r) storte(n) eens omgedaen/ en(de) dande(r) lant geheel en(de) alle dese en(de) voertaen alle dande(r) goede
//
ten eynde vande(n) vors(creven) t(er)mine te late(n) gelijc hise vijnt tot sine(n) income(n)/ en(de) alle dese vorwarde(n) geloefte(n) en(de) condicie(n) vors(creven) hebbe(n) geloeft de/ vors(creven) wynne joffr(ouwe) mechtelt en(de) de wynne deen den ande(re)n talle(n)/ tide(n) als die valle(n) en(de) v(er)schine(n) suele(n) vast te houde(n) en(de) te voldoen/ en(de) telke(n) t(er)mine als v(er)volghde scout h(ier) af sijn borghe(n) des vors(creven)/ gheerts als p(ri)ncipale sculde(re)n ongesundert en(de) ongesceide(n) (et)c(etera) jan/ vande(n) doerne van he(re)nt en(de) willem love(n)wech quos ger(ardus) inde(m)pnab(it)/ symoen vande(n) bossche van he(re)nt quos indempnab(it) alb(us) rike ja(nuarii) xx