It(em) joh(ann)es sw(er)rtvege(re) (et) goess(en) blide d(ic)tus de colonia als momboe(r) joffrouwe/ lijsbette(n) docht(er) roelofs wilen van b(er)theem in jegenwordich(eit) der scepen(en)/ van loeve(n) gestaen hebbe(n) gegeve(n) en(de) bekent dat si gegeve(n) hebbe(n) janne/ van langedonc van winczele sessdalf dachmale wynnens lants/ luttel min of meer gelege(n) inde en(de) tweeboende(r) eeusels oec luttel/ min of meer en(de) een dachmale beemts gelege(n) opt ettebeemde gelijc/ als dese goede belege(n) sijn inde p(ro)chie van winczele en(de) van veltheem/en(de) gelijc de s el in alrehande stucke(n) aldaer en(de) gelijc dese goede v(er)crege(n)/ sijn jege(n) katline(n) weduwe pet(er)s wilen de wezent Te houde(n) te hebben en(de)/ te wynne(n) van half m(er)te naest comende tot ene(n) t(er)mine van vijf ja(r)en lanc/ deen na dande(r) (et) elx jairs hier en bynne(n) op vijf mudde en(de) drie/ halste(r) cor rox goit en(de) payabel met wanne en(de) met vedre(n) der maten van / loeve(n) te sente andries misse apostels te betale(n) en(de) te loeve(n) te lev(er)en alle/ ja(r)e (et)c(etera) quolib(et) ass(ecutu)[m] Oec es vorwarde dat de vorscr(even) jan van langdonc/ jaerlex den vorscr(even) t(er)mine duerende vande(n) vors(creven) goede(n) betale(n) sal der/ he(re)n recht uut den vors(creven) goeden gaede dats te weten der cap(it)len van/ sente pet(er)s i cor(ona) en(de) iiii l(i)b(ra) pay(ments) gemeynlic in borse(n) gaende i(½) hellinc/ he(re)n ja(n)ne pijlyser xiii s(chelling) pay(ments) der taefflen vande(n) heylige(n) geest/ van veltheem en(de) acht tornoyse en(de) (½) mudde evene(n) mine(n) gened(igen)/ he(re) van brabant Oec sal de vors(creven) wynne [de vors(creven) lande] bynne(n) den vorscr(even) t(er)mine/ eens geheellic ov(er)meste(n) wel en(de) loflec en(de) de selve lande wynne(n)/ en(de) w(er)ve(n) wel en(de) loflic gelijc sine(n) reengenote(n) bove(n) en(de) benede(n) en(de)/ de vors(creven) lande late(n) [ten eynde] gelijc hier na volght Dats te wete(n) ii(½) dachmale
//
lants daer af met rogge besayt gelege(n) inde bodem? met rogge/besayt [met wynt(er) core(n) besayt dats te wete(n) ii dachmale daer af met rogge en(de) i(½) dachmale daer af met taruwe(n)] op vier tideghe vore(n) en(de) vijf vierdeel lants eens omgedaen/ en(de) dande(r) lant geheel cor(am) timple muylke oct(obris) xxvi[a]