It(em) jan van thiene(n) [van erenboudigee(m) die men heet van rode sone lode wile(n) lodewijx die men heet van rode] heeft gegeve(n) en(de) bekent dat hi gegeve(n) heeft/ claese vranx de libbeke de goede des selfs jans van thiene(n)[erenboudighe(m)] met de(n)/ huysen hove(n) wynnende lande(n) beemde en(de) eeusele(n) daer toe hoe(re)nde/ uutgenome(n) de wuwe(re)n aldaer die de selve jan behoude(n) sal te houde(n)/ te hebben en(de) te wynne(n) van half m(er)te naist comende [leden] tot ene(n) t(er)mine/ van twelf jae(re)n lanc deen nae dande(r) staphans volgende elx/ jairs hie(re)n bynne(n) op lii mottoene dats te wete(n) xxxiiii l(i)b(ra) pay(ments)/ voe(r) ene(n) dobbele(n) [mottoene] gerekent te se k(er)smisse te betale(ne) alle jae(re) den vors(creven)/ t(er)mine duerende en(de) telk(en) t(er)mine als v(er)volghde scout Ite(m) de vors(creven) wynne/ sal alle jae(re) int vors(creven) hof leve(re)n hondert walme(re)n [s...] goit en(de) custbair/ om die huysinge daer mede te decken en(de) soe wa(n)neer die aldaer v(er)dect/ soe sal die vors(creven) wynne den werclieden den cost gheve(n) en(de) jan/ de dachue(re) Oec sal die vors(creven) jan alle jae dese yerste drie jae(re)
//
vande(n) vors(creven) t(er)mine int vors(creven) hof leve(re)n [copen] h vijfthien mandele(n) stroes/ die [de] vors(creven) wynne int vors(creven) hof halen sal daer se hem jan cope(n) sal En(de)/ de vors(creven) wynne sal eens bynne(n) den t(er)mine int vors(creven) hof van buyte(n)/ brenge(n) vijftich mandelen stroes Oec sal de vors(creven) wynne alle jae(re)/ den vors(creven) t(er)mine duerende halen op den mergelpoele en(de) int vors(creven) hof brenge(n)/ thien voede(re) mergels die hem die vors(creven) jan cope(n) sal Voert sal de vors(creven)/ wynne alle drie jae(re) vande(n) vors(creven) t(er)mine janne corsbout met ene(n) mest/ waghene diene(n) [ene(n) dach lanc] Oec sal die vors(creven) wynne den vors(creven) ja(n)ne [corsbout] elx jairs/ hie(re)n een vaert met sine(n) waghen van libbeke te loeven diene(n) en(de) vuere(n)/ En(de) alle doest dat daer wassen sal suele(n) die vors(creven) jan en(de) die wynne/ half en(de) half deylen en(de) hebben en(de) op hoe(r) beyd(er) cost gelijc ter erden leve(re)n/ en(de) die vors(creven) wynne sal den vors(creven) janne te loeve(n) leve(re)n [sijn helicht] En(de) soe wes n van/ alsoe v(er)re als men daer sal doen rode(n) [en(de)] daer af suele(n) de vors(creven) ja(n)ne ende/ de wynne den cost gelijc draghen [mer den afval daer af sal de vors(creven) alleen behoude(n)] Item sal die vors(creven) wynne den vors(creven)/ janne jaerlex van loeve(n) te libbeke halen vijftalf mudde evene(n) En(de)/ de vv vors(creven) wynne sal die vors(creven) lande wynne(n) en(de) w(er)ven wel en(de)/ loflec gelijc sine(n) reengenote(n) boven en(de) benede(n) en(de) die late(n) ten eynde/ vande(n) vors(creven) t(er)mine gelijc hise vijnde(n) sal[vant tot sine(n) income(n)] dats te weten den wynt(er) art/ met rogge besayt op sij met [op] sine(n) tidegen voren den zom(er)art eens/ o(m)me gedaen en(de) de brake geheel Oec sal die vors(creven) wynne jaerlex opt vors(creven)/goet moegen maken en(de) houwe(n) sijn b(er)ringe ter minst(er) scaden En(de) alle/

dese vorw(er)de geloefte (et)c(etera) En(de) de vors(creven) wynne sal die huysinge(n) houden/ en(de) maken vand(er) nederst(er) rykelen nederw(er)t En(de) oec sal de vors(creven) jan opden/ zulde(r) aldaer een bedde moige(n) sette(n) daer hi op sal moege(n) slapen alst hem/ genueght En(de) de wynne sal te behoerliken tide(n) alle de truncboeme [en(de) ande(re) boeme] moege(n)/ truncken om en(de) sleenen om sijn b(er)ringe [daer af te maken] t(er) minster scaden daer aen te neme(n)/ En(de) soe wae(re) enige(n) boeme[willeghen] aldaer v(er)droeghde die sal de vors(creven) wynne hebbe(n)/ en(de) twee pote(n) vande(n) selve arde wed(er) in die stat setten en(de) de vorsc(reven)/ wynne sal de vors(creven) goede [bevreden] laten alsoe hise vant tot sine(n) income(n) En(de) hebbe(n)/ geloeft deen den ande(re)n (et)c(etera) jo(hannes) borch(oven) b(er)theem xxi m(ar)tii