Cont zi allen liede(n) want stoot ende tebat opv(er)staen ende gepoort was tussche(n)/ ja(n)ne pynnoc ende janne pynnoc sine(n) sone in deen zide ende de goide liede/ ghemeynlic des dorps van cortbeke ov(er)dyle in dande(re) vander wijg(ar)tbeke(n)/ gaende neve(n) des voirs(creven) jans pynnocs beemde die wile(n) ware(n) h(ere)n henrix va(n)/ wayenb(er)ge p(ro)chiaen der kerke(n) des doirps van cortbeke ov(er)dyle ende neve(n) de/ beemde gehete(n) de veweye tot inde leydegrecht aldair gehete(n) de voert [aldaer gelegen tussche(n) de vors(creven) wijng(ar)t beemde ende de leydegrecht gelijc de voirs(creven) wijg(ar)tbeke ende leygrecht inde voirs(creven) p(ro)chie van cortbeke ov(er)dyle gelege(n) es] En(de)/ oec vander voirs(creven) [selv(er)] leyegrecht wie de voirs(creven) wijgartbeke en(de) de leygrecht/ sculdich ware te veghe(n) ende te houden [tot] dair af de voirs(creven) parthien hen ver/ bonden ende gecomp(ro)mitteert hebbe(n) inder stat geswore(n) meest(er)s ende wercliede/ Gelovende in beyde side(n) vast ende gestede te houde(n) so wes de selve meesters/ ende wercliede dair uyt segge(n) ende t(er)minere(n) sulle(n) gelijc tco(m)promis dair/ op ghemaict volcomelic begrippe ende inhoudt So sijn de voirs(creven) meest(er)s/ ende wercliede come(n) voir scepene(n) van loeve(n) tyerst de gelegenheit van alle(n)/ sake(n) wail ov(er)siende ende na de wairheit die si dair op vande(n) ouders vande(n) dorpe/ verhoert hebbe(n) Seggende voir hoir t(er)minatie en(de) goetduncke(n) op hore(n)/ eedt ende bescheidenheit dat de voirs(creven) jan pynnoc jan sijn sone en(de) hoire/ nacomelinge(n) de voirs(creven) wijgartbeke talle(n) tide(n) als des te doin wese(n) sal/ veghe(n) houde(n) grave(n) ende rume(n) sulle(n) op hore(n) cost sond(er) last ocht cost/ des voirs(creven) dorps also verre als de selve beke ne voir sijn voerhoec van sine(n)/ erve nu t(er) [tijd] gaende ende streckende es tot inde [voirs(creven)] leydegrecht aldair gehete(n) de [vors(creven)] voert/ Seggende voirt de selve meest(er)s dat de goede liede vande(n) dorpe va(n) cortbeke/ ov(er)dile ghemeynlic also verre als si hoere(n) tot der ghemeender vroente(n) aldair/ de voirs(creven) leydegrecht voert met der leydgrecht aldair houde(n) rume(n) en(de) vege(n)/ sulle(n) talle(n) tide(n) als des te doin en(de) noet wese(n) sal also dat dwat(er) come(n)de/ ut(er) voirs(creven) wijgartbeke(n) ende dand(er) wat(er) dair in come(n)de sine(n) loep en(de) ganc/ sal moge(n) hebbe(n) tot also verre alse de veyweide den voirs(creven) dorp va(n) cortbeke/ ov(er)dyle toe behorende es Ende te wat tide(n) de voirs(creven) jan sijn wuwere(n) aldair/ vesche(n) ocht dwat(er) dair af aflate(n) woude dat [sal] hi doin moete(n) op sine(n) cost/ dair de ghemeyn veweide tot inde leydegrecht aldair Ende op dat alsdan/ de voirs(creven) leygrecht niet diep genoech en ware om des vors(creven) jan py(n)nox/ wat(er) also af te lope(n) vande(n) voirs(creven) sine(n) wuw(er)s [bove(n) tvege(n) ende trume(n) dat tghemey(n) dorp die sculdich es te vege(n) en(de) te rume(n)] dat de selve jan pynnoc/ en(de) sijn nacomelinghe de selve leydegrecht op sine(n) cost suele(n) moege(n) rume(n)/ en(de) ryole(n) om tvoirs(creven) sijn wat(er) af te leyde also diepe ocht he(m) ghenuecht sal/ Noch hebbe(n) geseecht de voirs(creven) meest(er)s ende wercliede dat alle thout en(de)
//
tproffijt staende wasende ende come(n)de op de grechte(n) gaende doir de voirs(creven) gemeyn/ veweide aldair en(de) des gelijx inde ende op de voirs(creven) ghemeyn veweide ald(aer)/ den goede(n) lude(n) gemeynlic vande(n) voirs(creven) dorpe va(n) cortbeke ov(er)dile tot ewege(n)/ dage(n) gelijc toebehore(n) sal sond(er) argelist cor(am) haenwijc hertshals eod(em)