Cont zi alle(n) liede(n) d want stoet ende oneendrechicheit opverstain was tussche(n) godev(ar)t/ vand(er) heeze godev(ar)den en(de) janne arde cox gebrueders en(de) m(ar)griete(n) horer sust(er) en(de)/ mathise van bolleke(n) en(de) reynere(n) reders van outgarde(n) in deen side en(de) ja(n)ne den/ vos becke(r) in dand(er) van eene(n) stuxke(n) erfs en(de) putte dair op staende gelege(n)/ inde dorpstrate acht(er) thuys geheete(n) de borse streckende acht(er)w(er)t tot inde/ grijmstrate soe hebbe(n) he(n) de voirs(creven) p(ar)thien des bi rade van vriende(n) geaccordeert/ en(de) [sijn] des eens woirde(n) inder maniere(n) hier na volgen(de) Inde(n) yerste(n) dat de vors(creven)/ jan de vos en(de) sijn nacomelinge(n) die houden(de) ende hebbende sulle(n) sijn thuys/ des selfs jans vos gelege(n) inde grijmstrate vors(creven) tussche(n) goessens van coelne [thuys janne cruyts]/ en(de) de thuys gehete(n) de borse voirs(creven) de voirs(creven) putte hoe(re)n wech en(de) toeganc/ hebbe(n) sulle(n) t(er) minst(er) schade(n) tot de(n) voirs(creven) putte en(de) den selve(n) putte met de(n)/ pletske(n) d(aer) toe hoe(re)nde [also v(er)re alst he(n) behoeve(n) sal om dwat(er) te putte(n)] sulle(n) de vors(creven) p(ar)thie(n) half en(de) half en(de) gelijc nutte(n)/ ende gebruyke(n) Ende de vors(creven) jan de vos en(de) sijn nacomelinge(n) voirs(creven) sulle(n) jairlix/ bet(alen) vande(n) chijnse d(aer) uut gaende drie scillinge ouds chijns en(de) es des gelix/sulle(n) de voirs(creven) ande(re) p(er)sone sijn wed(er)p(ar)thie en(de) hoe(r) nacomelinge(n) die houden(de) [als vors(creven) es vorscr(even)]/ suelle(n) de sijn tvors(creven) huys gehete(n) de borse [betalen sijn] ii scillinge ouds chijns [vande(n) chijnse uut den vors(creven) plaetsken gaende] cor(am)/ alb(us) nethene(n) aug(usti) iii