It(em) sander s(er)vranx in jeg(enwordicheit) der scepen(en) van loeve(n) gestaen heeft gegeve(n) en(de) bekint dat/ hi gegeve(n) heeft clase vande(n) trille [janne vand(er)hulst dieme(n) heyt vand(er) banc van tieldonc] thof des voirs(creven) tsanders gelege(n) te w te/ sinte lambrechts woluxe t(en) b(er)ghe mette(n) huse(n) hove(n) wynne(n)de lande beemde(n) en(de)/ eusele(n) d(air) toe hoe(re)nde Te houden te hebbe(n) en(de) te wynne(n) van half mey naest comen(de)/ tot eene(n) t(er)mijn van xii [ix] jare(n) lanc deen na dand(er) staphans sonder middel volgende/ elx jairs hieren bynne(n) dats te wete(n) de wynne(n)de [lande] om xxxv sacken rogs/ goit en(de) paiabel met wa(n)ne en(de) vede(re)n wail bereyt d(er) mate(n) van bruessel/ te s(in)te and(ries) misse te betale(n) en(de) te loeve(n) ocht te bruessel d(air)t den [vors(creven)] sander best/ genuege(n) sal [te leve(re)n] alle ja(r)e de(n) voirs(creven) t(er)mijn dueren(de) en(de) telke(n) t(er)mijn alse v(er)volghde/ schout Noch sal de voirs(creven) wynne jairlix de(n) vors(creven) t(er)mijn dueren(de) gheve(n) de(n) vors(creven)/ sander vanden beemde(n) eusele(n) ende vander weyde(n) vande(n) hove ald(air) x holl(ansche) gul(den)/ van goude goit en(de) gheve te sinte m(er)tens misse (et)c(etera) [It(em) sal de voers(creven) wynne den voerg(enoemde) zanders alle ja(r)e te paessche(n) geve(n) mote(n) c eye(re)n] Ende es vorw(er)de dat de voirs(creven)/ wynne jairlix gheve(n) sal twee sack tarwen voir ii sacken rogx in afslage vande(n)/ vors(creven) pachte Ite(m) sal noch geve(n) jairlix de voirs(creven) wynne een sister bone(n) te sinte/ andriesmisse It(em) heeft geloeft de vors(creven) wynne jairlix te betale(n) de(n) rentmeest(er)/ van brabant xiiii vierdele(n) evene(n) der mate(n) van bruessele en(de) xii turnoyse En(de)/ de jagerschout en(de) drie pe(n)ninge goits gelts h(ere)n henr(icke) van wittham Ende de vors(creven)/ sanders sal telke(n) twee jare(n) vande(n) [alle jare de(n)] voirs(creven) t(er)mijne den voirs(creven) wynne geve(n) iiii elle(n)/ wullens lakens ocht ene(n) rock dair vore Ite(m) sal de vors(creven) wynne jairlix lev(er)en/ int godshus te vorst viii sist(er) corens in afslage vanden voirs(creven) pachte Oec/ sal leve(re)n de vors(creven) wynne jairlix int vors(creven) hof dusent walme(re) om de/ huysinge(n) ald(air) mede te decke(n) it(em) en(de) sanders sal de huysinge houde(n)/ va(n) wande en(de) van dake en(de) als me(n) d(air) werct aen de huy dect ocht plect/ aen de huisinghe [werct] so sal de wynne de wercliede(n) de(n) montcost gheve(n) en(de)/ de vors(creven) sanders de dachuere(n) Mer de vors(creven) wynne sal de vors(creven) husinge/ vander nederster rikele(n) ned(er)wert alse v(er)re als sijn beeste(n) die breke(n) sulle(n)/ van wande houde(n) Ende wairt dat enich husinghe dair in vil viele d(air) af
//
en sal de vors(creven) wynne in negeene(n) synne(n) gehoude(n) sijn alsme(n) die weder make(n) sal/ Ende alle savel calc h leem hout en(de) steen also v(er)re alsme(n) die behoeve(n) sal bynne(n)/ de(n) vors(creven) t(er)mijn om aen de vors(creven) huysinge te besegen dat sal de vors(creven) wynne/ ald(air) levere(n) op sine(n) cost Noch sal de vors(creven) wynne jairlix houde(n) de(n) voirs(creven)/ sanders ii verkene gelijc den sine(n) die he(m) de voirs(creven) sanders lev(er)en sal/ It(em) is voirw(er)de dat de vors(creven) wynne de bute(n) pacht lande hebbe(n) en(de) behoude(n)/ sal inder maniere(n) en(de) op alsulke(n) pacht als de voirs(creven) sanders die van sine(n)/ pechtenere(n) houdende es behoudelic inder voirw(er)den voirs(creven) de(n) voirs(creven) sanders een/ camer met den solde(r) de grecht en(de) tduyfhuys aldair It(em) is vorw(er)de dat de/ vors(creven) wynne te(n) uutgane vande(n) voirs(creven) t(er)mijne de voirs(creven) lande late(n) sal gelijc/ hi se vant tot sine(n) income(n) dats te weten xiii [cu(m) dimidio] boend(er) lants met wynt(er)coren/ besayt d(air) de x dach(male) besayt sulle(n) sijn met tarwe(n) en(de) dand(er) met rogge en(de)/ al op vie(r) tidege vore(n) op also dat de voirs(creven) sanders de(n) vors(creven) wynne int lest jair/vors(creven) van sine(n) voirs(creven) t(er)mijne(n) oprichte(n) sal en(de) betale(n) ter taxatie(n) van lantwy(n)ne/de bone(n) en(de) den zaet van x dach(male) lants vande(n) voirs(creven) xiii bonde(re)n Ende xiii/ boend(er) lants en(de) iii dach(male) lants met zom(er) core(n) besayt te wete(n) een boender met erwite(n)/ en(de) met beetsen (½) dach(male) met bone(n) ende dand(er) lant d(air) af met evene(n) ende al/ op met twee tidege(n) vore(n) Ende de brake te wete(n) vii boend(er) dair af tweew(er)ve(n)/ o(m)gedaen en(de) v boend(er) [en(de)] een dach(male) [paulo] eens omgedaen It ende de(n) wynne(n)de hof/ eens omgedain Ite(m) sal de voirs(creven) wynne allet stroe dat vande(n) vors(creven) lande en(de)/ oic vande(n) pachtlande alle jaire come(n) sal int voirs(creven) hof vuere(n) en(de) dat aldair/ met sine(n) beeste(n) eete(n) ende d(air) af mest make(n) en(de) dat wed(er) uutvuere(n) opt vors(creven)/ lant [beyde opt sanders lant en(de) opt pachtlant na sijn gelande] slands meeste(n) proffite ende allet mest dat de vors(creven) wynne int vors(creven) hof/ bynne(n) in(d)[en?] leste(n) jare(n) make(n) sal dat sal de voirs(creven) wynne vuere(n) op des/ voirs(creven) sanders lant en(de) op negeenlant elde(r) Oec sal de vors(creven) wynne de goede/ aldair jairlix wail en(de) loflic beheyme(n) en(de) bevrede(n) ende [de] strate(n) en(de) dier gelike doin/ make(n) also dat de(n) vors(creven) sanders d(air) af geen schade en geschie Ende alle doeft dat/ d(air) wassen sal sal de vors(creven) wynne alleen behoude(n) uutgescheide(n) inden gongen/ jonge(n) boeg(ar)t en(de) van ii p(er)ren inde oude(n) bog(ar)t dat sal de vors(creven) sanders haff/ hebbe(n) welc helicht de vors(creven) wy(n)ne de(n) vors(creven) sanders jairlix te loeve(n)/ lev(er)en sal Ende de voirs(creven) wynne sal de(n) vors(creven) sanders alle ja(r)e bynne(n) de(n)/ vors(creven) t(er)mijn alst he(m) genuege(n) sal drie [iiii] daghe met sine(n) wage(n) en(de) p(er)de(n)/ diene(n) It(em) es oec ond(er)sproke(n) dat de vors(creven) wyn ten ynde vande(n) vors(creven) t(er)mijn dmest/ datme(n) int vors(creven) hof make(n) sal tot alre ap(oste)len dach toe (dair) naist volgen(de)/ uut(er) messie(n) en(de) bute(n) stalle(n) ald(air) opt vors(creven) lant vuere(n) sal En(de) alle ver
//
droeghde willege(n) die d(air) valle(n) sulle(n) sal de vors(creven) wynne hebbe(n) en(de) voe(r)/ elc wed(er) twee pote(n) sette(n) Ende de vors(creven) wynne sal den [int] vors(creven) hof houde(n)/ alt(ijt) c scape en(de) de vors(creven) wynne en sal bynne(n) de(n) leste(n) iii jare(n) geen lant/ moge(n) hoirvruchte(n) Ende so wair de vors(creven) sanders aen de vors(creven) huysinge enighe/ schade name [van viere] die toe quaeme(n) vande(n) b bi ocsuyne des vors(creven) wynne(n) die/ schade sal he(m) de vors(creven) wynne [en(de) jan haec sijn zwag(er)] oprichte(n) t(er) taxatie(n) van goede(n) lude(n) die/ he(n) des verstain suele(n) Ende alle dese vorw(er)d(en) (et)c(etera) cor(am) tymple/nethene(n) april(is) xxv Inde su(n)t fideiussor(es) d(i)c(t)i joh(anni)s t(am)q(uam) debito(r)es principal(es)/ indi(vi)sim godefrid(us) vand(er) hulst f(rate)r [pater] d(i)c(t)i joh(anni)s joh(ann)es de brede zijp laure(n)tius coels et henr(icus)/ d(i)c(t)us de adorp de haeght et joh(ann)es haeck de woluwe s(an)c(t)i lamb(er)ti quos d(ic)tus joh(annes)/ vand(er) hulst indempnabit