It(em) want stoet en(de) tebat opv(er)staen was en(de) es tussche(n) ja(n)ne/ scoeman van ned(er)hockenzele en(de) daneel smet van nederhockensele/ alse van alsulk(en) quetsuere(n) als den vors(creven) ja(n)ne scoeman nu/ cortelinge(n) gedaen was die hi meyndde dat de vorscr(even) daneel/ hem gedaen hadde den vorscr(even) daneele meyene(n)de dat hi des/ niet gedaen en hadde Soe sijn de vorscr(even) p(ar)tye(n) daer af en(de)/ van alle sake(n) daer uut spruytende bleve(n) en(de) geco(m)p(ro)mitteert/ in segge(re)n en(de) vriendelike iffene(re)n dats te weten de vorscr(even)/ jan scoema(n) in lodewike(n) den rike en(de) pete(re)n van nethene(n) en(de)/ de vors(creven) dr? daneel smet in he(re)n gorde ute(n) lye(minghen) priest(er) en(de)/ janne van ransheem In alsulk(er) vuege(n) dat de vorscr(even) jan scoema(n)/ sine(n) eysch ov(er)geve(n) sal in gescrifte den segge(re)n des vorscr(even) daneels/ tusschen dit en(de) sondaghs nae [savonts] mett(er) sonne(n) naest comende daer/ op de vorscr(even) daneel sijn v(er)antworde(n) maken sal en(de) dien ov(er)geve(n)/ in gescrifte den segge(re)n des vorscr(even) jan scoemans tussche(n) dat/ en(de) sondaeghs savonts mett(er) so(n)nen daernaest volghende/ alsoe dat [dan] de segge(re)n tyerst ov(er)gehadt beyde eysch en(de) v(er)antworde(n)/ hoe(r) seggen daer af seggen suele(n) bynne(n) acht dage(n) daer na/ staphans volghende op dat sijs eens en(de) van accorde [gesijn co(n)nen] en(de) soe soe/ de segge(re)n des bynne(n) dien tide [vors(creven)] niet eens gesijn en consten soe/ suelen si dese sake(n) bynne(n) acht dage(n) daer na staphans volghende/ brenge(n) voe(r) scepen(en) van loeve(n) om daer af een wittich vo(n)nisse te/ neme(n) gelijc of si des na vorme(n) van rechte gedingt hadde/ En(de) gevielt dat enig(er) p(ar)tye(n) enigh segge(r) gebrake soe sal die/ p(ar)tye ene(n) ande(re)n segge(r) in die stat kiesen sond(er) argelist En(de)/ hebbe(n) geloeft de vors(creven) p(ar)tye vast en(de) gestede te houden soe/ wes de vors(creven) segge(re)n hier af seggen of de scepen(en) van loeven/ hen voe(r) een vo(n)nisse geve(n) suele(n) borch(oven) rike julii iiii