Ite(m) het viel dat roelofs mey(er)s van lare in recht qua(m) voir mey(er) ende scepen(en) van loeve(n)/ inde banck aldair jegen janne van beckenvort van lare meyer en(de) wynne des abds va(n)/ sintruden te lare dair de selve roelof ene aensprake dede tot den voirs(creven) janne seggende/ dat hi den selve(n) janne beclaecht hadde ende dat was dair om want de voirs(creven) roelof/ vormaels wyn geweest hadde des voirs(creven) abds en(de) dat hi dair na rekende met jannes/ ranscart rentmeester des selfs abds so datme(n) vant inder rekeninge(n) die gedain/ wairt tot willems huys ut(er) helicht te loeve(n) dat de voirs(creven) rentmeester tot des abds/ behoef meer gehaven hadde van de(n) voirs(creven) roelof dan hi sculdich was ende ov(er)gehave(n)/ tusschen xvi ende xvii gripe(n) ende dat dat wair was dat boedt de voirs(creven) rolof/ te thoine(n) om dwelc de selve rolof want de rentmeest(er) bute(n) lants gesete(n) wa(r)e hi/ liiii mudde corens thienscher mate(n) die de voirs(creven) jan den voirs(creven) abt sculdich es dede/ rastere(n) Na welk(er) aenspraken en(de) verantwerde(n) dat de voirs(creven) jan dair op dede de scepen(en)/ van loeve(n) den voirs(creven) roelof tot sine(n) thoenisse wijsden dwelc hi dede gelijc hij he(m)/ v(er)mete(n) hadde also dat de scepen(en) van loeve(n) na aensprake en(de) na verantwerde(n) en(de)/ na thonisse dat de voirs(creven) roelof d(aer) op dede wijsden dat alsulke(n) goet als de voirs(creven) roelof/ hadde doin raste(re)n soude blive(n) staen ond(er) den voirs(creven) janne van beckenvort tot aen dier/ tijt toe dat de voirs(creven) rentmeest(er) den voirs(creven) roelof vernuecht sal hebbe(n) cor(am)/ pynnoc borch(oven) rike boxhor(en) bertheem cappellema(n) junii xiiii a(n)no xv