It(em) [wa(n)t] art ardenoys ende colijn van gheest des ov(er)mids vo(n)nisse(n) van scepene(n) brieve(n) van/ loeve(n) come(n) ende beleydt sijn tot den [omberuerliken] ghoede(n) h(ere)n gielijs van goetsenhove(n) ridders/ en(de) vrouwe(n) m(ar)gariete(n) van fontaines sijnre geselli(n)nen So sijn de selve art en(de) colijn/ dair om come(n) voir scepene(n) van loeve(n) en(de) hebbe(n) ghegeve(n) en(de) bekent dat si ghe/ gheve(n) hebbe(n) henricke den voecht den jonge(n) thof t(er) wolfshage(n) mette(n) huyse(n)/ hove(n) wy(n)nende lande beemde(n) eeusele(n) d(aer) toe hoere(n)de gelege(n) tussche(n) der lane(n)/ en(de) sint aechte(n) roede Te houde(n) ende te hebbe(n) en(de) te wy(n)ne(n) van half m(er)te lest/ lede(n) tot eene(n) t(er)mijn van acht jare(n) lanc deen na dand(er) dair na stapha(n)s sond(er)/ middel volgende [dats te wete(n) de wy(n)nende lande] elx jairs hier en bynne(n) om xxxvi mudde rogs goit en(de) paiabel/ met wa(n)ne en(de) met vede(re)n wail bereyt d(er) mate(n) van [ov(er)] yssche en(de) overyssche en(de)/(½) mud tarwe(n) oec goit en(de) paiabel [met wa(n)ne (etc)] d(er) mate(n) van loeve(n) alle ja(r)e te sinte andries(mis)s(e)/ apostels te betale(n) ende te levere(n) te wete(n) de vors(creven) xxxvi mudde rogs int vors(creven)/ hof en(de) tvors(creven) half mud tarwe(n) te loeve(n) alle ja(r)e de(n) vors(creven) t(er)mi(n) dueren(de) en(de)/ telke(n) t(er)mine alse vervolgde schout Ende de vors(creven) wyn sal alle ja(r)e de(n) vors(creven)/ t(er)mijn dueren(de) gheve(n) den vors(creven) arde en(de) colijn van de(n) beemde(n) en(de) eusele(n)/ aldair vi pe(n)ninge ghehete(n) mottoen te wete(n) xxx pl(acken) pay(ments) voir de(n) doblel [voir twee] mott(oen)/ gereke(n)t Voirt es vorw(er)de dat de vors(creven) wyn jairlix int vors(creven) hof lev(er)en sal/ lx mandele(n) walme(re)n goet en(de) custbair om die husinge [al] dair dat mede te decke(n)/ en(de) so wa(n)neer me(n) die aldair verdecke(n) sal so sal de vors(creven) wy(n)ne den/ wercliede(n) de(n) cost gheve(n) ende de vors(creven) art en(de) colijn die dachuere(n)/ Noch es vorwarde gevielt dat me(n) die [aen die] husinghe aldair [nu staende] ty(m)merde decte ocht/ plecte in oude(n) werke d(aer) af soude de vors(creven) wyn de(n) wercliede(n) oec den/ cost gheve(n) en(de) art en(de) colijn die dachuere(n) Ite(m) sal de vors(creven) wyn [op] tvors(creven) goet/ jairlix sette(n) xxv poete(n) It(em) sal de vors(creven) wyn jairlix de(n) vors(creven) t(er)mijn dueren(de)/ op tvors(creven) goet sijn beringhe te mi(n)st(er) schade(n) moge(n) neme(n) uutgenome(n) in delsbroec/ gelege(n) neve(n) de(n) torfpoel en(de) uutghenome(n) de int bosch dat me(n) gewoenlic/ es te vercope(n) en(de) uutghenome(n) [in] dande(re) goede toebehorende de coopbosch en(de) uutgenome(n)/ in een cleyn busschelken gelege(n) in de delle t(er) side(n) w(er)t van ja(n)ne lonijs goede
//
It(em) es vorw(er)de vielt also dat de vors(creven) art en(de) colijn de(n) wijng(ar)t aldair woude(n)/ doin w(er)ke(n) dat da(n) de vors(creven) wyn he(m) aldair jairlix leve(re)n sal vor den vors(creven)/ wijngart v mee voeder meest om de(n) wijng(ar)t aldair mede te meeste(n)/ en(de) so w(aer) me(n) den wijng(ar)t d(aer) niet en doet werke(n) so sal de vors(creven) wy(n)ne/ onghehoude(n) sijn tvors(creven) meest aldar te lev(er)en Ende allet stroe en(de) dand(er)/ goet dat vande(n) vors(creven) goede(n) come(n) sal dat sal de vors(creven) wyn int vors(creven)/ hof bringe(n) en(de) aldar met sine(n) beeste(n) ete(n) en(de) v(er)tere(n) en(de) mest dar af/ make(n) ende dat wed(er) opt tvors(creven) lant vuere(n) dlants meeste(n) proffite/ en(de) nergher(en) elde(r) uutgescheide(n) Noch es vorw(er)de dat de vors(creven) wyn de/ vors(creven) lande wynne(n) en(de) w(er)ve(n) sal wel en(de) loflijc gelijc sine(n) reengenote(n) bove(n)/ en(de) benede(n) en(de) die late(n) te(r) ynde vande(n) vors(creven) t(er)mine(n) gelijc hi die vant tot sine(n)/ hier na volght dats te wete(n) den aert aende(n) loekart gelege(n) mcet/ sijnre toebehoerte(n) een boend(er) d(aer) af met taruwe(n) besayt en(de) ii boend(er) d(aer)/ af met weysinghe besayt en(de) dand(er) al met rogge besayt al op iiii tideghe vore(n) en(de) de [brake en(de) de] stortte sal hi al geheel late(n) Ite(m) es oec vorwerde/ dat de vors(creven) wyn dmest also v(er)re als hi dat op dleste jair sculdich/ es ute te vuere(n) [sal] moete(n) vuere(n) op dlant gelege(n) vande(n) loekart opwart/ en(de) int dlest jair vande(n) vors(creven) t(er)mijn sal de voirs(creven) wyn alle de vuesteri(n)ge/[die] vande(n) voirs(creven) goede come(n) sal vertere(n) met sine(n) beeste(n) sonder die ute de(n) voirs(creven)/ goede(n) te vuere(n) Oec sal de vors(creven) wyn alle dmest dat hi make(n) sal/ int leste jair vande(n) vors(creven) t(er)mine van alreheilege(n)misse ned(er)w(ar)t int vors(creven)/ goet late(n) sond(er) dat uyt te vuere(n) Ite(m) es ond(er)sproke(n) gevielt dat de vors(creven)/ wyn int vors(creven) goet bynne(n) de(n) vors(creven) t(er)mine eneghe schade name van/ ghemeyne(n) orloge ocht va(n) tempeste d(aer) af suele(n) de vors(creven) art en(de)/ colijn de(n) vors(creven) wyn rastoer en(de) richti(n)ge doin gelijc ande(re) he(re)n en(de)/ p(re)late hoe(re)n wy(n)ne(n) bove(n) en(de) benede(n) vande(n) gelike(n) ald(aer) doin sulle(n)/ En(de) alle dese vorw(er)de(n) gelofte(n) en(de) (con)dicie(n) hebbe(n) geloeft (etcetera) Hier af es borge/ des vors(creven) wyne als p(ri)ncipael goert de prinche van ned(er)yssche/ cor(am) rike haenwijc iii[a] sept(embris)