It(em) d(omin)us joh(an)es welle(n)s f(rate)r dom(us) joh(ann)is jherosalimicani? symon d(ic)t(u)s smet iunior de/ meensele et joh(ann)es smet ei(us) f(rate)r in jegenwoirdicheide(n) d(er) scepene(n) van loeve(n) ghestaen/ hebbe(n) gegeve(n) en(de) bekindt dat si gegeve(n) hebbe(n) janne rogge van meensele thof/ van meensele met de(n) huse(n) hove(n) wy(n)nende lande beemde(n) eeusele(n) bossche en(de) wat(ere)n/ d(aer) toe hoe(re)nde met alle(n) sine(n) toebehoirte(n) gelege(n) inde p(ro)chie van meensele [en(de) van kieseke(m) gel(egen)] gelijc/ge lodic vander borch van bruysteem die goide ald(aer) houdende es Te houden en(de)/ te hebbe(n) [en(de) te wynne(n)] van half m(er)te nu lest lede(n) ene(n) t(er)mijn van sess jare(n) deen na dand(er)/ staph(ans) sond(er) middel volgen(de) elx jairs hieren bynne(n) om xxiii mudde rox goit/ en(de) paiabel pacht core(n) van sintrude(n) d(er) mate(n) van sintrude(n) en(de) oec om ii sacke rox/ d(er) mate(n) van thiene(n) oic goit en(de) paiabel te sinte andrismisse apost(el) te bet(alen) en(de)
//
te lev(er)en dats te wete(n) de voirs(creven) xxiii mud rogs te s(in)trude(n) en(de) de voirs(creven) twee/ saken [te meensele] den r(e)c(t)or van ons(er) vrouwe(n) outair inder kerke(n) van meensele alle ja(r)e de/ voirs(creven) t(er)min dueren(de) ende telke(n) t(er)min alse vervolghde schout Oic sal de voirs(creven)/ winne jairlix de(n) voirs(creven) t(er)min duerende betale(n) den gront chijns ute(n) de(n)/ voirs(creven) goede(n) gaende sond(er) hem dat afslach te doin vande(n) voirs(creven) pachte En(de)/ de wy(n)ne vors(creven) sal tvoirs(creven) hof en(de) de husinge aldair nu staende houde(n)/ van wande en(de) van dake uutgescheide(n) van nuwe(n) werke En(de) de voirs(creven) wy(n)ne/ sal de voirs(creven) lande wynne(n) w(er)ve(n) en(de) meste(n) wel en(de) loflic gelijc sine(n) reen/ genote(n) bove(n) en(de) benede(n) en(de) die late(n) te(n) ynde van den voirs(creven) t(er)mi(n) gelijc/ hise vindt tot sine(n) income(n) Ende sal hi oec late(n) ten ynde van sine(n) voirs(creven)/ t(er)mine int voirs(creven) hof xl hope stroes Oic sal hi late(n) ten leste(n) jae(r)/ van sine(n) voirs(creven) t(er)m(i)n inde wuwers ald(aer) liiii anthenoys Ende de voirs(creven) wyn/ en sal die bossche niet eer moge(n) houwe(n) voir dat si vii jair oud sijn/ Oec sal de voirs(creven) wy(n)ne die tru(n)cbome ald(aer) te behoirlike(n) tide(n) moge(n) tru(n)cke(n)/ En(de) hier af sijn borge(n) des vors(creven) wy(n)ne(n) als p(ri)nc(ipalen) sculd(eren) ongesund(er)t en(de) ongesch(eyden)/ henric van meensele wille(m) stichelma(n) van bincke(m) geert geerberge(n) van/ glabbeke en(de) henric geerberge(n) sijn brued(er) quos indempnabit/ borchove(n) rike vii junii