It(em) want stoet en(de) tabat opverstain was tussche(n) gielise va(n) kessele va sone gielise/ van kessele vande(n) ierste(n) bedde en(de) pete(re)n van kessele sine(n) brueder vande(n) na/ bedde van alrehande erfelike(n) goide(n) en(de) anders dair in dat een voirde(n) ande(re)n/meer rechts begheert te hebbe(n) die bleve(n) zijn na de doet dat een tot de(n)/ ande(re)n te spreke(n) ocht te eyssche(n) mach hebbe(n) tot opte(n) dach van hude(n) So/ sijn de voirs(creven) p(ar)thien dair om come(n) voir scepene(n) va(n) loeve(n) en(de) hebbe(n) he(n) des/ verbonde(n) (et)c(etera) te wete(n) de voirs(creven) pet(er) in ja(n)ne vande(n) huffle en(de) ja(n)ne vande(n) meersb(er)ge/ voirspreke en(de) de voirs(creven) gielijs in wille(n) uut(er)helicht ende in ja(n)ne laureyns Op/ also dat de voirs(creven) pet(er) sijn aensprake die hi doin wilt tot de(n) voirs(creven) gielise/ sine(n) brueder ov(er) geve(n) sal in gescrifte de(n) segge(re)n des voirs(creven) gielijs van morge(n)/ in viii dage(n) naist come(n)de en(de) dat ov(er)gegeve(n) [overgehat] dat dan de(n) voirs(creven) gielijs sijn/ verantwerde(n) [ende des hi tot de(n) voirs(creven) pet(er)en te segge(n) heeft] d(aer) op ov(er)geve(n) sal de(n) segge(re)n des voirs(creven) pet(er)s bynne(n) viii dage(n)/ dair na naist volgende in alsulk(er) voege(n) Ende dit al te gade(r) aldus ov(er)gehat dat da(n) de segge(re)n/ hoir segge(n) d(aer) af segge(n) sulle(n) bynne(n) xiiii nachte(n) d(aer) na naist volgende/ op dat sij des eens sijn en(de) van acorde en(de) en si des niet eens so sule(n)/ si des come(n) voe(r) scepene(n) van loeve(n) (et)c(etera) Op also so wair enich segge(r) gebrake/ dat die p(ar)thien in ene(n) ande(re)n in die stat sal moge(n) neme(n) (et)c(etera) Ende/ hebbe(n) geloeft beyde de p(ar)thie(n) vast en(de) gestede te houde(n) (et)c(etera) cor(am) alb(us) tymple eod(em)