It(em) sijn come(n) in rechte voir meyer ende scepen(en) van loeve(n) goert ute(n) lyemi(n)ge(n) op deen/ zide en(de) willem van kriekelsberghe op dande(r) dair de voirs(creven) goert tot den voirs(creven)/ wille(m) een aensprake dede seggende dat de voirs(creven) wille(m) jegen he(m) genome(n) hadde ene(n)/ beemdt gelege(n) inde p(ro)chie van rillair te ro(m)mele om ix mott(oenen) jairs en(de) voirde(n) dobbele(n)/ xxviii pl(acken) den pe(n)ninc af te quite(n) met xxii en(de) dat dat wair wae(r) dat boet hi te thoine(n) (et)c(etera)/ opt dwelc he(m) de voirs(creven) wille(m) verantw(er)de en(de) seyde dat hi d(er) coma(n)scap niet loechene(n)/ en woude m(er) ende so wat tide he(m) de voirs(creven) goert vast geseete(n) conste also h dat de/ scepen(en) seyde(n) dat hi vast stonde dan wair hi bereet den voirs(creven) goerde wed(er) te voldoene/ Op dwelc de scepen(en) ghemaent worde(n) en(de) sij wijsde(n) na thonisse en(de) na al dat/ voir he(m) come(n) wae(r) dat de p(ro)chie(n) underlinge(n) deen de(n) and(ere)n voldoin soude(n) na inhebben/ der come(n)scap en(de) dat de voirs(creven) goert den voirs(creven) wille(m)me vast sette(n) soude cor(am)/ huffle borch(oven) nethene(n) muylke willem(air) pauwels iii[a] decembr(is)