Item want stoet en(de) tebat opv(er)staen was tussche(n) gontier van / pontlir en(de) robbeert fransois die men heet johan van alre/ hande coste die si deen den ande(re)n eysschende wae(re)n van eenre/ hoetvaert die te ludick gehaelt waert vande(n) taelliede(n) en(de)/ van ande(re)n saken daer uut spruytende en(de) soe soe sijn de/ vors(creven) p(ar)tie(n) come(n) voe(r) scepen(en) van loeve(n) en(de) hebben hen van desen/ stoet en(de) van allen ande(re)n saken die si deen den ande(re)n eysschen(de)/ mochte(n) sijn wae(r) uut dat dat comen(de) mocht sijn v(er)bonde(n) in/ ja(n)ne vand(er) porte(n) arnde ardenoez van nethene(n) willeme/ van waelhain en(de) henrike boys die geseeght hebben voe(r) een/ seggen dat de vorscr(even) gontier den voirscr(even) robbeert bynne(n) xiiii/ nachte(n) naest comende geve(n) en(de) betale(n) sal vier crone(n) te wete(n)/ xv pl(acken) voe(r) een crone gerekent en(de) dat si den cost vande(n)/ scepen(en) van mont sanc wyb(er)t gelijc half en(de) half betale(n) suele(n)/ seggende voert voe(r) een segge(n) dat de vorscr(even) p(ar)tie(n) hier/ mede in deen jege(n) den ande(re)n van alle saken die si deen/ den ande(re)n eysschende mochte(n) sijn tot op den dach van hede(n)/ v(er)enicht en(de) geslete(n) suelen sijn sond(er) argelist nethene(n)/ pauwels febr(uarii) xii[a]
//