SAL7715, Act: R°275a.1 (104 of 114)
Search Act
previous | next
Act R°275a.1  
Act

Transcription

2014-08-26 by Lieve Van Hoestenberghe
Dit es doerdena(n)cinghe vand(er) stadmeesters by bevele vander stad/
dat si ene(n) wech ghet(er)mienert hebben ter minst(er) scaden en(de) ten/
besten weghe dats te verstane toten erve tusschen doude dile en(de) de nuwe/
te vare(n) en(de) te kere(n)/
It(em) inden iersten daer destrate incomt tusschen jan van hoye ende de vrouwe van kessel tusschen horer/
beider erve so hebben wi ghemete(n) xv roeden lanch en(de) xv voete den wech breet dats te v(er)stane/
van elken erve vii voete ende ene(n) halve(n) voet c/
It(em) op der vrouwen van kessel erve allene xvii roeden ghemeten lanc ende xv voete breet/
daer de wech gaen sal over hoer eerve allene/
It(em) op jans eerve van loye neven die oude dile ghelege(n) tot aenden dich die destad dede legghe(n)/
ghemeten xiiii roeden lanch en(de) xv voete breet op jans van hoye eerve allene/
behoudelic dat de stat van loeven elke(n) vande(n) drien p(er)sone(n) voe(r) iiii roeden erfs gheven [sal] ene(n)/
dordrechtsche(n) schilt of de w(er)de d(aer) af w/
welc segge(n) der stat geswoe(re)n meesters geseeght hebbe(n) voe(r) alb(us) g(ra)ven maii xxviii anno xx/
It(em) derve acht(er) wout(er) roelans en(de) henderich van winsele en(de) goert van ere(n)boghem ende al/
wout(er) roelans dese voers(creven) eerve die mote(n) lien doer de hertbemde en(de) doer jan van gele/
en(de) strechken alle de bemde die tusschen doude dyle en(de) die nuwe gheleghen sijn die mote(n)/
vare(n) en(de) kere(n) doer jan van colen te neste(n) weghegh en(de) ter minst(er) scaden ghelich dat/
me(n) hoer(en) bewisen sal tot(er) den dich uute aen jan van hoye
//
ContributorsInge Moris , Dieter Peeters
Moderated byDieter Peeters
Last update: 2013-07-08 by Inge Moris