Want stoot ende tebat opv(er)staen was tussche(n) janne weeghbroec in deen zide en(de) gorde va(n)/ kerb(er)gen in dande(r) alse van huweliker vorw(er)de(n) gelofte(n) ende mekin(n)ingen die de voirs(creven) goert/ den voirs(creven) janne eysschende is ende oic van allen ande(re)n sake(n) die si met malcand(ere)n/ gaens moge(n) hebbe(n) tot opden dach van hude(n) so sijn come(n) de vors(creven) p(ar)thie(n) voir/ scepene(n) van loeve(n) ende hebbe(n) he(n) hier af gekeert in vrie segge(re)n en(de) vriendelic/ yffenere(n) te wete(n) in jose pauwels scepene(n) va(n) loeve(n) symone vranx en(de) in/ mathise va(n) mu(n)te(n) en(de) hebbe(n) geloeft de vors(creven) p(ar)thie(n) vast en(de) gestede te houden/ so wes de voirs(creven) p(ar)thie(n) seggere(n) dair af eendrachtelic segge(n) en(de) t(er)minere(n) sulle(n)/welc segge(re)n he(n) berude(n) sond(er) argelist cor(am) borchove(n) pynnoc in die b(ea)ti joh(annis) bap(tis)[te]