It(em) jwant jan vand(er) schyndele(n) stoet en(de) tebat opv(er)staen was/ en(de) is tussche(n) ja(n)nne vand(er) sh schijndele(n) in deen zide en(de) [en(de)] alijt vande(n)/

wiele [sijn wijf] in deen side en(de) ja(n)nes vander balct sone b(ar)tholomeeus wilen/[sine(n) stiefsone] vander balct [sone d(er) voirs(creven) aleyten] op dande(r) side van zeke(re)n erfgoede(n) inder p(ro)chie(n) van/ haeght [gelege(n)] die bleve(n) en(de) verstorve(n) zijn vander doet gielijs wilen/ vanden wiele oudervader des voirs(creven) jannes vand(er) balct en(de) vad(er) der/ voirs(creven) aleiten so sijn de voirs(creven) p(ar)tien d(aer) om comen voe(r) scepen(en) van/ loeven en(de) hebbe(n) hen van desen stote en(de) van allen ande(re)n saken/ die deen den ande(re)n eysschende mach sijn tot opten dach van hede(n)/[gekeert en(de) sijns bleven] in segghe(re)n en(de) vriendelic yffene(re)n te wete(n) de voirs(creven) jan vand(er)/ schijndelen en(de) aleit sijn wijf in jannise vand(er) hofstat en(de) henricke/ copy en(de) jan vand(er) balct in joha(n)ni vande(n) velde rentm(eeste)r van/ rotselaer en(de) henricke wante steenmetse(r) in voeghen dat de/ voirs(creven) jan vand(er) balct sijn aensprake in gescrifte maken en(de) ov(er)gheve(n)/ sal de(n) segghe(re)n voirs(creven) tusschen dit en(de) donresdach mett(er) zonne(n)/ naest comende d(aer) op de voirs(creven) jan vand(er) schindele(n) en(de) aleit/ sijn wijf hae(r) verantw(er)de(n) make(n) selen en(de) in gescrifte en(de)/ dat de(n) voirs(creven) segge(re)n ov(er)gheve(n) d des maendaeghs d(aer) naest/ volgende metter sonne(n) en(de) beyde aensprake en(de) verantw(er)den/ vande(n) vors(creven) segge(re)n ov(er)gehadt selen si hae(r) segghen bynne(n)/ xiiii nachte(n) d(aer) naest volgende segge(n) op dat si des eens/ en(de) va(n) accoerde w(er)den en(de) so wae(r) si des niet eens en w(er)de(n)/ so selen de selve segge(re) beyde aensprake v(er)antw(er)den en(de)
//
des hier af voe(r) hen comen sal sijn bynne(n) de(n) voirs(creven) t(er)mine(n) xiiii nachte(n)/ bringhe(n) voe(r) scepen(en) van loeven en(de) van hen des neme(n) een wittich/ vonnisse gelijc of si dat na vorme(n) van rechte gedingt hadde(n) en(de) so/ wae(r) e(n)nig(er) p(ar)tien e(n)nige(n) segghe(r) gebrake so sal die p(ar)tye ene(n) ande(re)n in/ die stat moge(n) nemen sond(er) argelist gelovende beyde de voirs(creven) p(ar)tien/ vast en(de) gestedich te houden so wat de voirs(creven) segge(re)n vanden stote voirs(creven)/ eendrechtichlic segge(n) en(de) p(ro)nu(n)ciere(n) selen of de scepen(en) van loven/ geve(n) selen voe(r) een vonnisse sond(er) argelist cor(am) rike absoloen/ maii xiii[a]/