Cond si allen liede(n) dat gielijs de cryte(re) van vertrike is comen in/ jegenwordicheyt d(er) scepen(en) va(n) loeven en(de) heeft genome(n) en(de) bekendt/ dat hi genome(n) heeft van janne vande(n) steenwege de goede des selfs/ jans gelege(n) te vertrike mette(n) huyse(n) hove(n) wynne(n)de lande en(de) metten/ scoeflande pacht en(de) bossche daer toe horende uutgescheiden theerscap/ heergeweede pontghelt tsijs gansse en(de) capuyne die de selve/ ja(n) ald(air) houdende is daer in en sal de voirs(creven) gielijs gheen recht/ hebbe(n) te houden te hebbe(n) en(de) te wynnen van sente jans misse bap(tis)[te(n)]/ nu lest leden ene(n) t(er)mijn van drie ja(r)en lang deen na dand(er) sond(er) middel/ volgende elx jaers daer en bynne(n) om achtien mudde mudrogs goet en(de)/ payabel met wanne en(de) met vede(re)n wael bereydt d(er) maten van loeven / alle ja(r)e te kersmisse vallende en(de) sond(er) begrijp tons(er) vrouwe(n) licht/ misse te betalen en(de) tot kersbeke tot des voirs(creven) jans huys te leveren/ alle ja(r)e de(n) vors(creven) t(er)mijn duer(ende) en(de) telke(n) t(er)mine alse vervolghde schout/ En(de) de voirs(creven) wyn sal des vors(creven) jans erve na gelande vande(n) tide/ van sesse ja(r)en wel en(de) cusberlic ov(er)mesten en(de) de voirs(creven) wyn/ en sal bynne(n) den voirs(creven) sine(n) t(er)mijn engheen lant moghen/ huervruchte(n) en(de) eest es vorw(er)de dat de voirs(creven) jan de huyssinge/ also houde(n) sal dat de(n) voirs(creven) sine(n) wynne bi qualichouden geen/ schade geschien en sal en(de) de selve wyn sal alle ja(r)e de(n) voirs(creven)/ t(er)mijn duer(ende) inde huyssinghe aldaer leveren hondert walms/ goet en(de) cusber om de huyssinge ald(air) mede te decken en(de) so men/ die aldaer v(er)dect so sal de voirs(creven) wyn de wercliede(n) de(n) cost/ gheve(n) en(de) jan de dachhue(re)n en(de) is oec oec ond(er)sproke(n) dat de/ voirs(creven) wyn de voirs(creven) goede ten uutgaen vande(n) voirs(creven) sine(n) t(er)mine/ laten sal gelijc hi se vant te sine(n) aencome(n) te wete(n) is den/ aert ond(er) den nuwen bosch houdende omtrent vi dachmael en(de)/ een half met rogge besayt met op vier getidige voren hier/ in uutgescheide(n) derdalf dachmael lants gelege(n) opte houweyke/ daer af sal de voirs(creven) wyn den rogghe half in doen en(de) dan/ dat geheel laten ligghen Ite(m) de(n) zomeraert houdende omtrent/ thien dachmael en(de) een half gelege(n) boven de quademolen
//
met evenen besayt op twee getidige voren Ite(m) neghen dachmael/ lants geleghen opt rot brake op twe getidige voren en(de) vanden/ scoeflande es ond(er)sproken waert dat e(n)nich gebreck wa(r)e inde gheen/ die dien houden het si van miswynne(n) of anders dat sal de/ voirs(creven) jan op sine(n) cost vervolghen en(de) den zaet tot dien scoeflande/ sal de vors(creven) wyn den pachtene(re)n op dleste ja(r)e leve(re)n en(de) dan en/ sal de selve wyn na s(int) jans misse [en] gheen recht d(air) in hebben/ en(de) waer de voirs(creven) huysinghe van des voirs(creven) wynne(n) beesten aldair/ gebroken worde(n) die sal de selve wyn wed(er) doen make(n) En(de) alle/ ja(r)e sal de vors(creven) wyn de(n) vors(creven) wyn een halst(er) lijnsaets sayen/ daer hem de selve jan de(n) zaet toe leve(re)n sal en(de) de voirs(creven)/ wyn en sal niet rechts int vlas hebben welke vorw(er)den/ punte(n) en(de) condicien bove(n) bescr(even) de voirs(creven) p(ar)tie(n) hebbe(n) geloeft/ malcande(re)n vast en(de) gestentich te houde(n) en(de) te voldoen in alle/ d(er) manie(re)n bove(n) bescr(even) en(de) telke(n) t(er)mijn alse v(er)volghde schout/ En(de) des sijn burghe(n) des vors(creven) gielijs alse p(ri)ncipael schulde(re)n/ ongesundert en(de) ongescheide(n) jan de becke(re) dieme(n) heet vanden/ cloeste(r) en(de) henric de cryte(re) de brued(er) des voirs(creven) gielijs/ de welke de selve gielijs heeft geloeft h(ier) af scad(eloes) to(n)theffen(e) albus vynck junii ultima