Cond sij alle(n) liede(n) dat jan van wet(er)beke is come(n) die ov(er)mids/vo(n)nisse va(n) scepen(en) brieve(n) van loeve(n) na de heerlicheyt ons genedichs/he(re)n va(n) brabant en(de) na sijnre stat recht van loeven come(n) en(de) geleydt/is tot alle(n) de(n) goeden daneels wilen van laethem Es come(n) in jegen/wordicheyt d(er) scepen(en) van loeve(n) en(de) verhuert en(de) bekendt dit hi v(er)huert/heeft woute(re)n de becke(re) van honebeke hoenbeke een ca(m)me [mette cupe(n) ketele(n) en(de) vate(n) tot brouwe ambacht horende en(de)] met alle(n)/hae(re)n toebehoirte(n) gelege(n) inde prochie van grymb(er)ge(n) ter stat gehete(n) inde/borgh tussche(n) senter claes eeusel en(de) de goede peters van diessegheem/Te houde(n) en(de) te hebbe(n) van kersmisse naist comende ene(n) t(er)mijn van/twelf jae(re)n lanck deen na dand(er) d(aer) na sonde(r) myddel volgende elx/jaers daer en bynne(n) op alle trecht en(de) co(m)mer dair voir uutgaende/ten behoirlike tide te betalen En(de) voert om twintich sympel mottoene/te wete(n) xxxiiii pont payments voe(r) twee vande(n) voirs(creven) t(er)mine mottoene(n)/gerekent alle jae(re) de(n) voirs(creven) t(er)mijn duer(ende) tot kersmisse te betale(n) en(de) /telke(n) t(er)mijn alse v(er)volghde schout en(de) is ond(er)sproke(n) ind(er) hueringe(n) voirs(creven) /dat de voirs(creven) wouter de becke(re) op dat hem genueght ten halve(n) tide/scheyden mach en(de) dat sal hi de(n) vors(creven) janne van wet(er)beke een half/jae(re) te voren kundige(n) en(de) laten weten voert is vorwerdr dat
//
de voirs(creven) wout(er) de becke(re) allen den alen inde voirs(creven) ca(m)me sijnde/laten [sal] te sine(n) afscheyden ind(er) werden van lxviii mottoene(n) voirs(creven) /gelijc hem die(n) also gelevert en(de) ov(er)getaxeert is [Gelovende de voirs(creven) jan van wet(er)beke de(n) voirs(creven) woute(re)n de becke(re) vand(er) hueri(n)ge(n) voirs(creven) altijt genoech te doen en(de) recht warant te sijn jege(n) ene(n) yegelike(n) de(n) vors(creven) t(er)mijn duerende] Hier af sijn burge(n)/des voirs(creven) wout(er)s alse p(ri)ncipael sculde(re)n ongesud(er)t en(de) ongescheyde(n) jan/van heverle en(de) gielijs van woluwe de welke de voirs(creven) wout(er)/heeft geloeft hier af scadeloes te houde(n) en(de) tontheffe(n) lye(ming)[en] hug(ar)de(n)/no(vembris) xxvi