It(em) want robbrecht vander haghe(n) die geleidt was tot den goeden/ jans vand(er) hagen sijns brueders tot loeven voe(r) de stat inhadde doen/ daghen de goede liede en(de) gebuere(n) van ossele om eens borns wille staende/ bynne(n) den hove ter haghe(n) des voirs(creven) jans gelege(n) te ossele daer aen de/ voirs(creven) gebue(re)n hem groet ongherief deden meynende dat si daer toe/ van rechts weghe(n) gaen mochte(n) Daer in beyde(n) side(n) alrehande be/ scheet opgedaen wart dwelc de stat aenhoerde die ten eynde/ t(er)mineerde(n) Biddende de voirs(creven) janne vand(er) haghe(n) dat hi de/ voirs(creven) gebue(re)n tot de(n) voirs(creven) borne woude laten gaen dwelc hi ter/ beden vand(er) stat consenteerde van gedoghe en(de) niet van recht/ op also dat si de(n) voirs(creven) janne aen sijn thuyne noch ande(re) goede/ gheen scade noch ongherief doen en soude(n) mer si soude(n) ov(er)/ de(n) wech gaen en(de) lide(n) tot de(n) voirs(creven) borne gelijc si tot h(ier)toe/ gedaen hebbe(n) sond(er) doer des voirs(creven) jans hof tot de(n) voirs(creven)/ borne te gaen of te come(n) Dit waert gedaen bi/ eend(er) gedaeghd(er) stat xxi daghe in julio anno xxiii