It(em) van alsulken gedinghe als nu voir meye(r) en(de) scepen(en) van loeven/geweest is tusschen gheerde vand(er) haseldonc van he(re)nthals ende/porter van loeven in deen side en(de) arnde van herle oec van he(re)nt/hals in dande(re) rue(re)nde vande(n) ghelde van ene(n) halve(n) pont grote/staende ond(er) scepen(en) van he(re)nthals daer af voirmaels de selve/p(ar)tien voe(r) den voirs(creven) meye(r) en(de) scepen(en) van loeve(n) in recht come(n) wae(re)n/en(de) dat aldair also v(er)re bedingt bi seke(re)n wairheide(n) dair op verhoert/dat si v gewijst en(de) geseyndt worden bide(n) vonnisse d(er) scepen(en)/van loeve(n) voe(r) scepen(en) van he(re)nthals om ald(aer) recht te neme(n) ende te/gheve(n) gelijc dat de oude scepen(en) van loeven dat nu inde banc/geseeght en(de) recordeert hebben es tvonnisse dat de scepen(en) van loeve(n)/bleven bi alsulke(n) vonnisse als de voirs(creven) scepen(en) van loeve(n) voirtijts/gewijst hadde(n) pr(ese)ntib(us) jo de borch(oven) oppend(orp) walt(ero) calstr(is)/capellema(n) vynck ap(ri)lis xxviii anno xxiiii/