It(em) cond sij allen luden dat vanden stoet die gheweest is tusschen janne de witte/ in deen sijde en(de) henrike wants en(de) janne wante sine(n) zone in dander als van eene(n)/[steyne(n)] muer staende tusschen de erven der voirs(creven) jans de witte [en(de)] henrix wante en(de) jans/ sijns soens gelege(n) opte voire p recht teghen de overste voirmolen over welke(n)/ steyne(n) muer de selve henric wante en(de) jan sijn zone meynden dat hen toebe/ hoirde en(de) daer af de voirs(creven) p(ar)thien hen gekeert hebben en(de) bleve(n) sijn inder/ / stat gesworen meeste(re)n en(de) wercluden gelijc tcomp(ro)misse dair op ghemaict vol/ comelic begrijpt en(de) inhoudt Hebben de selve geswoe(re)n werclude de gelege(n)heit/ vande(n) voirs(creven) goeden tyerst oversiende en(de) te gronde gemerkende [voe(r)] hue(r) goetdunke(n)/ vanden voirs(creven) stoet geseeght en(de) geuutent voe(r) scepen(en) van loeven in deser/ manie(re)n dat den voirs(creven) steyne(n) muer comende van des den ghevel vander/ cokene(n) des voirs(creven) jans witte(n) en(de) streckende voe(r) ter strate(n) toe van bove(n) tot/ beneden toebehoiren en(de) erfelic volghen sal den selve(n) janne de witte totter tijt/ toe dat de voirs(creven) henric wante en(de) jan sijn sone gethoene(n) conne(n) met scepen(en)/ brieven of met scepen(en) monde van loeven(e) dat den voirs(creven) muer op huer/ erve steet cor(am) haenwijc vroede junii viii