It(em) zweder van fakuez in jegenwordicheit der scepen(en) van/ loeven gestaen heeft verhuert met orlove des he(re)n vande(n)/ gronde gielise beelen van heycruce en(de) marie h(er)mans sine(n)/ wive een huys en(de) hof met allen sine(n) toebehoerte(n) gelegen/ inde bect(er)strate tussche(n) de goede joes wilen absoloen en(de) de goede/ die wilen wae(re)n jans van tricht Te houden te hebben en(de) te/ besitten alsoe lange als de vors(creven) gielijs en(de) marie leven selen of/ deen van hen beyden lanxt levende alle jae(re) daer en bynne(n) op/ alle den co(m)me(r) en(de) last daer voe(r) uutgaende te behoerlike(n) en(de)/ gewoenlike(n) tide te betalen En(de) voert aen op twee gulden(en) crone(n)/ licht(er) munten van vrancrike nu gemeynlic in borsen gaende/ goit en(de) gheve te sente jans misse baptisten te betalen den vors(creven)/ sweder alle jae(re) alsoe lange als joffr(ouwe) m(ar)griet van halle sust(er)/ pet(er)s wilen van halle leve(n) sal en(de) na hoe(re) doet op twee crone(n)/ te weten xl pl(ackke) payments voe(r) een der vors(creven) crone(n) gerekent/ te betalen den vors(creven) zweder ten t(er)mine vors(creven) alle jae(re) alsoe lange/ als de vors(creven) gielijs en(de) marie sijn wijf leven selen of deen van/ hen beyden lanxt levende Dyerst betalinge vande(n) vors(creven) yerste twee/ crone(n) ingaende van sente jans misse baptiste(n) naist comende ov(er) een/ jae(r) daer naist volgende gelovende de vors(creven) zweder den vors(creven)/ gielise en(de) marie sine(n) wive vander vors(creven) hueringe(n) altijt genoech/ te doen de dleven des vors(creven) gielijs en(de) marie(n) sijns wijfs of/geduerende of den ene(n) van hen beyden lanxt levende [geduerende] behoudelic/ dien dat de vors(creven) zweder int vors(creven) huys den [tijt vand(er)] vors(creven) hueringe staende/ den p(er)tstal en(de) een ca(m)me(r) met twee bedden wael en(de) loflic/ gestoffeert sond(er) argelist behoude(n) en(de) gebruyken sal absoloens/ hanewijc novembr(is) xiii sweder(us)