Cond sij allen lieden dat lodewijc vande(n) meersberge is comen in jegenwordicheit d(er)/ scepen(en) van loeven(en) gestaen heeft gegeve(n) en(de) bekindt dat hij gegeve(n) heeft janne/ andries van wynghe [natuerlic] sone henrix andries thof des voirs(creven) lodewix gelegen tynder/ broec metten huysen hoeven bog(ar)de wynnenden landen beemden en(de) eeuselen met/ allen sine(n) toebehoirte(n) [gelege(n) inde prochie van loevenyoel] hier in uutgenome(n) een elsbosch mette(n) beemde daer aen gelege(n)/ over de beke aldair eene(n) wijtha(m)me en(de) een elsbusschelken aent voirs(creven) hof gelege(n)/ Te houden te hebben en(de) te wynne(n) van halfmeerte naest comende eene(n) t(er)mijn/ van neghen jae(re)n lanc deen na dander sonder middel volgende Elx jaers d(aer)/ en bynne(n) te weten de voirs(creven) wynnende [lande] houdende inde mate xviii boend(er) luttel/ min of me(r) elc boender daer af om xxviii molevate rogs goit en(de) payabel met/ der maten van loeven(en) te sente andriesmisse apostels te betalen en(de) te loeven(en)/ te leve(re)n alle jae(re) den voirs(creven) t(er)mijn duerende en(de) telke(n) t(er)mijne als v(er)volghde/ schout En(de) de voirs(creven) beemde en(de) eeuselen houdende omtrint xviii dachmale/elx dachmale dair af om xviii gulden(en) te weten xl placke(n) voe(r) den gulden/ gerekent tot ynganc mey te betalen sente m(er)tensmisse inden wynt(er) vallende/ en(de) sonder begrijp toy ynganc mey daer naest volgende te betalen alle jae(re)/ den voirs(creven) t(er)mijn duerende en(de) telken t(er)mijn als vervolghde schout Op also/

waert En(de) es vorwerde dat de voirs(creven) lodewijc half de duven hebben sal die/ jaerlex vande(n) voirs(creven) duyfhuyse sullen comen En(de) alle doeft dat opte voirs(creven)/ goede jairlix wassen sal sullen de voirs(creven) lodewijc en(de) de wynne half en(de)/ half hebben en(de) deylen dw en(de) alsmen dat leesen sal soe sal de voirs(creven) wynne/ daer af den montcost geve(n) en(de) de voirs(creven) lodewijc sal den lese(r) loenen Item sal/ de selve wynne hebben een beemdeken gehete(n) dlangbeemdeken toebehoe(re)nde/ henrike vanden dijcke duerende den t(er)mijn van vi jae(re)n lanc sjaers om/ een(en) vrancrijcsche crone gelijc de voirs(creven) lodewijc dat in hueri(n)ge(n) gehuert heeft Item sullen de voirs(creven) lodewijc en(de) de wynne jaerlex den/ voirs(creven) t(er)mijn duerende int voirs(creven) hof leve(re)n [copen] te weten de voirs(creven) lodewijc/ vijftich mandelen stroes en(de) de voirs(creven) wynne xxv mandelen stroes de/ welke [l mandele(n) de voirs(creven) wy(n)ne halen sal d(aer) se de voirs(creven) lodewijc sal copen en(de) dan salt] de selve wynne [all tsamen] int voirs(creven) hof met sine(n) beesten sal etten en(de) sliten en(de)/ mest dair af maken en(de) dat ten behoirlike(n) tide wed(er) opt voirs(creven) lant vue(re)n/ slands meesten profite Item sullen elc vande(n) voirs(creven) lodewijc en(de) den wynne/ jaerlex den voirs(creven) t(er)mijn duerende doen graven een half boender
//
vanden voirs(creven) lande Item sal de voirs(creven) wynne de husinge vanden voirs(creven) hove/ vander onderst(er) rikelen nederwart op sinen cost houden den voirs(creven) t(er)mijn/ duerende En(de) so waer men dair anders yet decte of plecte dair af soude/ de voirs(creven) wynne den werclieden den montcost geve(n) en(de) de voirs(creven) lodewijc/ sal de dachue(re)n betalen uutgenome(n) van nuwen werke Item alsmen de/ beemde aldair riolen sal so sal d oic de voirs(creven) wynne den wercluden/ den montcost geve(n) en(de) de voirs(creven) lodewijc de dachue(re)n Item sal de voirs(creven)/ wynne den voirs(creven) lodewijc jaerlix den voirs(creven) t(er)mijn duerende wynnen iii/ dachmale lands gelege(n) te lovenyoel opt bruelvelt en(de) dien sijn getidege/ voren geve(n) en(de) voe(r) elke voe(re) sal de voirs(creven) lodewijc den voirs(creven) wynne geve(n)/ vi placken en(de) daer toe sal de selve wynne dmest halen ter plaetsen daer/ hem de voirs(creven) lodewijc dat copen sal en(de) dat opt selve lant vue(re)n En(de) de/ vruchte vande(n) voirs(creven) iii dachmalen lands comende sal de wynnen den voirs(creven)/ lodewijc inde schue(re) vanden voirs(creven) hove vue(re)n sonder des selfs lodewix cost/ It(em) sal de voirs(creven) lodewijc den voirs(creven) alle dmest vande(n) voirs(creven) hove nu te/ halfm(er)te naestcomende opt voirs(creven) lant gevuert hebben en(de) leve(re)n en(de)/ also salt de voirs(creven) wynne opt lest jae(re) vande(n) voirs(creven) t(er)mijn laten en(de) dat/ opt voirs(creven) lant vue(re)n daert den voirs(creven) lodewijc genuege(n) sal En(de) alle/ dmest dat hij [jairlix] int voirs(creven) hof maken sal sal hij opt voirs(creven) lant vue(re)n/ slands meeste(n) profite en(de) nergens elde(r) Item sal de voirs(creven) lodewijc den/ voirs(creven) wynne jaerlex den voirs(creven) t(er)mijn duerende geve(n) eenen ouden roc/ of v ellen wullens lakens elc elle weert sijnde xvi placke Item sal/ de voirs(creven) wynne de voirs(creven) lodewijc jaerlex de wijden vanden wijt hamme / aldair te loeven vue(re)n Item en(de) des gelijx sal hij oic den selve(n) lodewijc/ sine(n) wijn die hij bynne(n) den veste(n) te loeven staende heeft te wijntijde/ thuys vue(re)n op dat de voirs(creven) lodewijc des begheert En(de) oft geviele/ dat e(n)nich vande(n) voirs(creven) lodewijc en(de) den wynne deen vande(n) ande(re)n scheyde(n)/ wouden dat souden sij mogen doen ten yersten vi jae(re)n m(er) de ghene die/ alsoe woude scheyden die soudt den ande(re)n een half jae(re) te voe(re)n laten/ weten Item sal de voirs(creven) wynne de voirs(creven) lande den voirs(creven) t(er)mijn due/ rende wael en(de) loffelic wynne(n) en(de) werve(n) gelijc sine(n) reegenote(n) bove(n)/ en(de) beneden en(de) die laten ten eynde vanden voirs(creven) t(er)mijn gelijc hij die/ vonde(n) heeft te sinen aencomen En(de) alle dese vorw(er)den/ lombart absoloens no(vem)[br(is)] xxii