It(em) symoen vanden bossche van he(re)nt en(de) goert stockinc van tieldonc sijn/ swag(er) in jegenwordich(eit) der scepen(en) van loeven(e) gestaen hebbe(n) genome(n)/ en(de) bekindt dat si genome(n) hebben van he(re)n woute(re) eveloge prieste(r) en(de) pete(re)n/ van wijtvliet de nuwe thiende van he(re)nt gelijc die aldair gelege(n) is Te/ houden en(de) te hebben van sentjansmisse bap(tis)[te(n)] lestleden eene(n) t(er)mijn van ses/ jae(re)n lanc deen na dand(er) sonder middel volgende elx jaers daerenbynne(n)/ om testich vranc(rijx) crone(n) goet van goude en(de) gerecht van gewichte of de/ weerde d(aer) af in ande(re)n goede(n) gelde half te kersmisse en(de) half op ascensiedach/ te betale(n) alle jae(re) den voirs(creven) t(er)mijn duer(ende) en(de) telke(n) t(er)mijn als vervolghde schout/ gelovende de voirs(creven) symoen en(de) goert sijn swag(er) tvoirs(creven) gelt ten voirs(creven) t(er)mijne(n)/ niet en betaelde(n) en(de) de voirs(creven) h(er)woute(r) en(de) pet(er) d(aer)bi scade name(n) biden he(re)n van/ camerijc dair af sij de voirs(creven) thiende houdende sijn dat de selve symoen en(de)/ goert hen dien scade oprichten sullen sond(er) argelist lomb(ar)t vroede eod(em)