It(em) want stoet en(de) geschille opv(er)staen waren tusschen henrike vander brake(n) van/ gheele in deen sijde en(de) henrike vander haghen van gheele en(de) henrike vand(er)/ sluysen van gheele die naden recht der stat van loeven(e) comen en(de) geleyt es/ totte(n) goeden des voirs(creven) henrix vander hagen en(de) jans vander hagen sijns brued(er)s/ / in dander sijde van alsulken goeden [have en(de) erve] als bleven sijn nade doet willems wilen maes En(de)/ sijn dair o(m)me de voirs(creven) j henric vanden braken hier in vervaende janne vander/ braken sine(n) brueder en(de) de voirs(creven) henric vander hagen en(de) henric vander sluyse(n)/ hier in vervaende den voirs(creven) janne vander hagen brueder des voirs(creven) henrix/ vander hagen comen voe(r) scepen(en) van loeven(e) en(de) hebben hen vanden voirs(creven) stoet/ en(de) geschille en(de) voirtaen van allen ande(re)n saken en(de) stucken die sij malcanderen/ eysschende mogen sijn [tot opten dach van heden] verbonden en(de) gecomp(ro)mitteert inde seven schepenen van/ gheele Op alsulken vueghe so wes de voirs(creven) p(ar)thien deen den ande(re)n te eyssche(n)/ of aen te spreken hebben dat sij dair af hue(r) aensprake verantworden thonisse/ waerheyt en(de) alle hue(r) bescheyt bringhen sullen voe(r) de voirs(creven) schepen(en) van gheele/ bynne(n) xiiii nachten naist comende dair af [enbynne(n) dair] de selve scepen(en) hue(r) goetdunke(n)/ en(de) seggen uutene(n) en(de) t(er)mine(re)n sullen op dat sij des eens en(de) van accoerde gesijn/ conne(n) en(de) soe wair sij des niet eens gewerden en conste(n) dat sij dan de voirs(creven)/ sake met alle des dair af voe(r) hen come(n) sal sijn overgeve(n) en(de) sette(n) sullen in/ handen willems van duffle drossate van gheele [als overman der voirs(creven) saken] die dan mett(er)voirs(creven) [selve] saken/ sal mogen doen en(de) die setten en(de) ke(re)n daert hem ghenueghen sal Geloevende/ de voirs(creven) p(ar)thien vast en(de) gestentich te houden so wes de voirs(creven) vii scepen(en) van/ gheele oft willem van duffel de ov(er)man voe(r) inder voirs(creven) sake(n) voe(r) hue(r)/ seggen en(de) goetdunke(n) uutenen en(de) p(ro)nu(n)cie(re)n sullen sonder argelist/ lomb(ar)t velde f(ebruarii) vi[ta]