It(em) aert beyart scrijnmake(r) [in] jegenwoirdicheit der scepen(en) van loeven(e) gestae(n)/ heeft bekent en(de) verlijt openbairlic voe(r) hem sijn erfgename(n) en(de) nacomelinge(n)/ janne van diest mesmake(r) sine(n) erfgename(n) en(de) nacomelinge(n) dat alsulken/ steyne(n) muer als de selve jan van diest voirmails heeft doen metsen achter/ sijn husinghe ten erve wart des voirs(creven) arts beyarts enweenich staende op/ derve des selfs arts en(de) des gelijx alsulke(n) ty(m)meringe en(de) overspronc/ als de voirs(creven) jan van diest uut den voirs(creven) muer en(de) bove(n) derve des voirscr(even)/ arts gety(m)mert heeft dat beyde muer ty(m)meringe en(de) overspronc/ voirs(creven) aldaer van recht staen en(de) gety(m)mert sijn en(de) dat de voirs(creven) jan/ van diest die also van rechts weghen wael metsen en(de) ty(m)me(re)n mocht gelijc/ de voirs(creven) goede nu t(er)tijt gelege(n) sijn in [de] steenstrate over de steenbrugge/ aldair cor(am) haenwijc velde m(ar)tii ix