It(em) tvonnisse tussche(n) woute(re)n coman in deen side en(de) machtelde/ weduwe arnts [wilen] vande(n) doren en(de) hae(r) kijnde(re) in dande(re) vande(n)/ goede(n) die wae(re)n des voirs(creven) wilen arnts gelegen te he(re)nt in/ huyse(n) hove(n) wynnende(n) lande(n) beemde(n) bossche(n) met alle(n) hae(re)n toe/ behoirte(n) gelijc de selve wile(n) arnt die te houde(n) plach en(de) de/ voirs(creven) wout(er) coman daer in bi janne wilen gruwel voe(r) meye(r)/ en(de) scepen(en) van loeven gegoedt en(de) gheerft is Es dat alsulke aensp(ra)ke/ als de voirs(creven) machtelt en(de) hae(r) kijnde(re) vande(n) voirs(creven) goede(n) gedaen/ hadde(n) dat die den voirs(creven) woute(re)n coman en(de) sijnre goedinge(n) gheen/ ontstade doen en sal cor(am) eisde(m)