It(em) jan van quaderibbe scoemake(r) in jegenwordich(eit) der scepen(en) van loeven(e) gestaen/ heeft geconsenteert voe(r) hem sijn erfgename(n) en(de) nacomelinge(n) janne van/ overbroeck cledermake(r) sine(n) erfgename(n) en(de) nacomelinge(n) dat de selve jan/ van overbroeck erfelic eene(n) ozendrup hebben sal van alsulken huyse en(de)/ ty(m)meringe(n) als de selve jan [op sijn erve] sal doen maken en(de) ty(m)me(re)n op sijne ten erve wart/ en(de) scailgen wart des voirs(creven) jans van quaderibbe beghynnende achter aende(n)/ cleyne(n) hoeren en(de) streckende acht(er)wart totte(n) erve joufr(ouwe) g(er)trude(n) van oirbeke/ gelijc der voirs(creven) goede [jans en(de) jans erven inde ledichheytstrate] gelege(n) sijn opte veemarct tusschen de goede gielijs van/ beerge en(de) den hoeck vander vee veemarct aldair Geloeve(n)de de voirs(creven) jan/ van quaderibbe den vo dat hij dwater comende en(de) vallende vander voirs(creven)/ ty(m)meringe(n) voirtaen teeuwige(n) dage(n) over sijn erve tot voe(r) t(er) straten/ uut leyden sal cor(am) abs(oloens) velde m(ar)tii xvii