It(em) jan vande(n) huffle in jegenwordich(eit) d(er) scepen(en) va(n) loeve(n) gestaen/ heeft gegeve(n) en(de) bekendt dat hi gegeve(n) heeft wille(m)me pater n(oste)r/ de goede hier na bescr(even) Inde(n) yerste(n) twee boend(er) lants/ gelege(n) bute(n) der dorpstraetporte(n) opte hoeve tussche(n) de goede/ der kijnde(re) gheelrix en(de) de goede jans de smet Ite(m) drie dach(mael)/ lants gelege(n) op taeffelrondevelt tussche(n) de goede mychiel va(n)/ breedzijp en(de) jacobs vand(er) beste(n) Te houde(n) te hebbe(n) en(de) te wynne(n)/ van half oeghst naest come(n)de ene(n) t(er)mijn va(n) ix jae(re)n lanc deen/ na dand(er) sond(er) myddel volgende elx jaers daer en bynne(n) om/ twelf mudde rogs goet en(de) payabel alsulc als men opte hoeve/[ald(aer)] jaerlex wynne(n) [wassen] sal d(er) mate(n) van loeven [alle jae(re)] ts(int) andries missel/ apostels te betale(n) en(de) tot loeve(n) daert de(n) voirs(creven) jan genuege(n)/ sal te leve(re)n en(de) telken t(er)mine alse v(er)volghde schout Ite(m) sal/ de voirs(creven) willem de voirs(creven) goede opte leste drie jae(re)/ wel en(de) cusberlic een werf ov(er)mesten en(de) is vorwerde/ dat de selve willem de voirs(creven) willem de voirs(creven) goede late(n)/ sal ten sine(n) afscheyde(n) gelijc hi die vant te sinen incomen/ te wete(n) al bloet abs(oloens) vroede ap(ri)lis xxvi