It(em) want stoet en(de) thebat opverstaen waren tusschen janne soys en(de) [van gheele] in deen sijde en(de)/ symon van hindershem die geleyt is totte(n) goeden ghisels van hyndershem [sijns brue(der)] swag(er)/ des voirs(creven) jans soys in dande en(de) den selven janne soy ghisele in dander van/ alrehande goeden die den janne soys en(de) ghisele van hyndershem [mids zeke(re)n vorw(er)de(n) en(de) (con)dicie(n) tusschen hen verdrage(n)] toebehoiren/ en(de) aencome(n) souden sijn van lijsbette(n) weduwe willems wilen willems hue(r)/ beyder swegher So sijn daer om de voirs(creven) p(ar)thien come(n) voe(r) scepene(n) van/ loeven(e) en(de) hebben hen van dien stoot en(de) voertaen van alrehande ande(re)n eysschen/ vorwerden en(de) saken die sij malcande(re)n eysschende moghen sijn tot opten dach/ van heden verbonden en(de) ghecomp(ro)mitteert in zegge(re)n en(de) vriendelike yffene(re)/ Te weten in willeme van dutsele drossate van gheele gheerit cuerinx/ arnde soys vad(er) des voirs(creven) jans soys en(de) jannes van hyndershem vader/ der voirs(creven) symons en(de) ghisels van hyndershem in deser vueghen en(de)/ manie(re)n so wes de voirs(creven) p(ar)thien malcande(re)n teysschen of aen te spreken/ hebben dat sij daer af hue(r) aensprake verantworden thonisse en(de) alle hun/ bescheet bide voirs(creven) segge(re)n sullen bringhen tusschen dit en(de) sinxendach/ naist comende dair af de selve zegge(re)n alsdan hue(r) zeggen en(de) goedenisse/seggen tusschen de voirs(creven) p(ar)thijen segghen en(de) uutene(n) sullen op dat sij des/ eens gewerden conne(n) Mer so waer sij des niet van accoerde en/ worden [soo] souden de selve zegge(re)n bynne(n) viii daghen dair alrenaist/ volghende come(n) voe(r) scepen(en) van loeven(e) met hen bringende allet bescheet/ der voirs(creven) p(ar)thien en(de) halen vander voirs(creven) saken een wittich vonnisse gel(ijc)/ en(de) inder manie(re)n of de selve zake voe(r) hen na vorme(n) van recht/ gedingt wae(r) met vorwerden soe waer hier e(n)nich zegg(er) gebrake dat/ sij dan eene(n) ande(re)n in sijn stat souden moghen sette(n) sonder argelist/ geloevende vas de voirs(creven) p(ar)thien vast en(de) gestentich te houden so/ wes de voirs(creven) zegge(re)n inder voirs(creven) zaken tusschen hen voe(r) hue(r) goetdunk(en)/ segghen en(de) t(er)mine(re)n of de voirs(creven) scepen(en) van loeven(e) voe(r) een vonnisse/ wisen sullen rike lombart maii viii