Het sijn comen in rechte voe(r) meye(r) ende scepenen van loeven jan he(re) tot scoenhove(n)/ in deen side ende h(er) jan vylain ridde(r) in dande(re) daer de voirs(creven) jan van scoenhove(n)/ een aensprake dede tot den voirs(creven) h(ere)n janne vylain w(er)t seggende dat wilen gord/ raes sweer des voirs(creven) h(er) jans voirmaels jegen hem gecocht hadde thuys van/ stertbeke om m crone(n) en(de) voert dlant daer toe hoe(re)nde elc boend(er) daer af/ om xxiiii cronen dwelc bi estimacien geslagen was voe(r) c boende(re) die gedroege(n)/ ter so(m)men van xxiiii[c] cronen dat sijn te gade(r) voe(r) xxxiiii[c] cronen en(de) dat die/ comenscap also gheschiede dat boet de voirs(creven) jan van scoenhove(n) te thoene(n)/ en(de) mette(n) mynsten Seyde voert so waer hi dat gethoenen const dat hem de/ voirs(creven) h(er) jan dair af betalinge doen soude oft betalinghe bewisen Op dwelc/ de voirs(creven) h(er) jan hem v(er)antwerde seggende dat dat oft god wilt nu(m)m(er)meer/ sijn en soude en(de) soudt also sijn dat wa(r)e een hart poent na dien dat hi/ jege(n) den voirs(creven) ja(n)ne van scoenhove(n) noyt comanscap gedaen en hadde mer/ hoepte en(de) meynde dat hi op die aensprake niet antw(er)den en soude en(de) hadde/ jan van scoenhove(n) jegen sijnen sweer comenscap gedaen so hadde hi hem oec/ daer op ghelt gegeven en(de) mids dien hoepte hi dat jan van scoenhove(n) sijn/ gebreck op doen soude eer hi hem vorde(r) soude antwerden Daer op de scepen(en)/ van loeven ghemaent vanden meye(r) wijsden voe(r) een vonnisse dat jan van/ scoenhove(n) sijn gebreck op doen soude en(de) dae(re)n teynden recht Dat gedaen/ seyde voert jan he(re) van scoenhove(n) dat hi woude der waerheyt liden/ en(de) hadde vande(n) voirs(creven) xxxiiii[c] cronen gehaven van goerde raes h(ere)n jans/ sweer voirs(creven) xi[c] crone(n) ende sid(er) dat de voirs(creven) gord aflivich is worden/ van h(ere)n janne selve xii[c] crone(n) dat wee(re)n xxiii[c] cronen en(de) also wae(re)/ hi noch in gebreke xi[c] cronen daer af hoepte hi dat hem de voirs(creven) her jan/ betalinghe doen soude oft betalinghe bewisen na dat hi hem selven daer af/ betalinghe gedaen hadde en(de) in betalinge comen wae(re) en(de) des genueghde hem/ wael tvonnisse Opt dwelc de voirs(creven) h(er) jan vilain hem wed(er) verantw(er)de/ seggende dat hi hoepte dat hi hem negheen bewijssenisse noch betalinghe/ vande(n) voirs(creven) xi[c] crone(n) doen en soude want hi noyt comenscap jegen/ hem en hadde gedaen en(de) beg(er)de en(de) woude den voirs(creven) janne van scoenhove(n)/ van seke(re)n vorw(er)den en(de) geloeften aenspreke(n) ende seyde voert so wes
//
hem sijn sweer sculdich mochte bleven sijn des en wiste hi niet/ maer so wa(n)neer hi dat bewijsde also hi dat na den rechte sculdech/ wa(r)e te bewisen so woude hi daer af doen des trecht wise(n) soude/ hopende dat hi niet vorde(r) oft eer d(aer) inne gehouden sijn en soude/ Daer op de scepen(en) gemaent vanden meye(r) wijsden voe(r) een vonnisse/ want h(er) jan selve betalinghe gedaen hadde dat hi vanden voirs(creven)/ xi[c] cronen voert betalinghe doen soude oft betalinghe bewisen/ En(de) dat gedaen hadde h(er) jan vylain dan den voirs(creven) janne van scoenhove(n)/ yet aen te spreke(n) dat hi dat doen mochte metten rechte Dat gedaen/

versocht de voirs(creven) h(er) jan dach van bewijssenissen die gestelt was/

opten dach van heden Tot welken daghe van bewijssenissen/ Hier wae(re)n ov(er) gielijs de rike willem lombart joes absoloens/ jan vande(n) borchove(n) de jonghe gheert van haenwijc henric de/ vroede en(de) arnt vande(n) velde Dat gedaen versocht de voirs(creven) jan/ dat van bewijssenissen die gestelt was opten dach van heden tot/ welken daghe van bewijssenissen de voirg(enoemde) p(er)sone als scepen(en) in/ hae(re)n tijde voe(r) s(en)te jans misse de voirscr(even) p(ro)ces van gedinghe ov(er)gave(n)/ den scepen(en) van loeven hier na ghenoemt voer de welke de voirs(creven)/ h(er) jan vilain thoende met janne gielijs wissele(r) d(er) stat van loeven dat/ h(er) jan vylain in sinen wissel gesett hadde xxxvi l(i)b(ra) grote des hadde/ de vrou boets gehadt ii[c] gul(den) ten bevele vand(er) stat Voert thoende/ hi alrehande quitancien de so(m)mige geg(even) goerde wilen raes sine(n) sweer/ de so(m)mighe geg(even) h(ere)n janne vylain vanden voirs(creven) janne van scoenhoven/ en(de) oic so(m)mige ande(re) Daer toe dat de voirs(creven) h(er) jan beg(er)de noch in/ hulpen van bewijssenissen seke(re) getugen verhoert te hebben van/ seke(re)n geloeften die de voirs(creven) jan van scoenhove(n) gedaen soude hebbe(n)/ van een deel ghelts dat h(er) jan vilain dien vande(r) mee(re)n van pont/ gelde betaelt soude hebbe(n) Dwelc de voirs(creven) jan van scoenhove(n)/ dede tebatte(re)n seggende dat de voirs(creven) h(er) jan vylain dach hadde/ van bewijssenissen bewijsde hi also hijt sculdech wae(re) te doen jan/ van scoenhove(n) woudt aenhoe(re)n maer meynde datmen gheen
//
getuygen van geloeften die hi gedaen mocht hebben aenhoe(re)n en soude/ en(de) des genueghde hem tvonnisse Also dat de scepen(en) gemaent wijsde(n)/ voe(r) een vonnisse dade h(er)jan vilain bewijssenisse also hijt sculdech wae(re)/ te doen sij woudent gherne aenhoe(re)n daer en theynden sloet de selve/ h(er) jan sijn bewijssenisse en(de) en woude niet meer bewijsen Op dwelc/ de voirs(creven) jan scoenhove(n) dede rep(rese)nte(re)n en(de) segghen dat hi hoepte dat/ h(er) jan niet bewijst en hadde also hijt sculdech wae(re) te doen seyde oec/ dat hi hoepte dat de voirs(creven) ii[c] gulden hem gheen afslach doen en soude(n)/ want hise niet gehadt en hadde mer meynde dat hi hem vande(n) voirscr(even)/ xi[c] cronen betalinghe doen soude uutgescheyden de xi boende(re) een dachmael/ lants die hi hem g(er)ne afslaen woude elc boend(er) dair af xxiiii crone(n)/ en(de) xxxi crone(n) die hi h(er) janne vander mee(re)n gegeve(n) hadde En(de) des/ genueghde hem wel tvonnisse also dat de scepene(n) van loeve(n) gemaent/ vanden meye(r) wijsden voe(r) een vonnisse dat de voirs(creven) h(er) jan vylain/ voe(r) de voirs(creven) xi[c] cronen gehouden sijn soude Behoudelic dien dat/ afslach doen soude(n) de voirs(creven) xi boend(er) een dachmael lants elc boend(er)/ te xxiiii cronen de voirs(creven) xxxvi l(i)b(ra) grote en(de) de voirs(creven) xxxi/ crone(n) die hi h(ere)n janne vand(er) mee(re)n betaelt heeft P(rese)nt(ibus) jo de borch(oven)/ ludovico roelants joh(ann)e de oppendorp walt(ero) py(n)noc iunio(r)e ar(nol)[do] vynck/ joh(ann)e de hug(ar)den et dyonisio boys scabinis lov(aniensibus) anno m[mo] cccc[mo]/ vicesimo octavo me(n)s(is) julii die p(ri)ma