Cond zij allen liede(n) want jan van heve(re)n den welke(n) jan/ de pape van wet(er)beke die geleydt was met meye(r) en(de) scepen(en)/ van loeven tot de(n) goede(n) van sceplake(n) mette(n) huyse(n) hoven/ wynnende(n) lande(n) beemden eeusele(n) en(de) met alle(n) hae(re)n toebehoerte(n)/ gelijc daneel wile(n) van laethem die goede inde p(ro)chie/ van grymb(er)ghe(n) te houde(n) plach de selve goede uutge/ geve(n) hadde voe(r) scepen(en) van loeve(n) de voirs(creven) goede voert/ uutgegeve(n) heeft oic voe(r) scepen(en) van loeven gielise van lynt/ van grymb(er)ghen Te houde(n) te hebbe(n) en(de) te wynne(n) van half/ meye lest voirlede(n) ene(n) t(er)mijn van neghen jae(re)n lanc/ deen na dand(er) d(aer) na sond(er) myddel volgende gelijc de/[scepen(en)] brieve va(n) loeven van beyde de(n) vorw(er)de(n) d(aer) op gemaect/ dat claerlic beg(ri)pen en(de) uutwise(n) Dair om eest dat jan/ van laethem sone des voirs(creven) wilen daneels gestaen voe(r)/ scepen(en) van loeve(n) heeft geloeft en(de) bekendt dat hi/ / geloeft heeft den voirs(creven) gielise van lynt tvoirs(creven) uutgeven hem/ bide(n) voirs(creven) janne van heve(re)n gedaen den voirs(creven) t(er)mijn duerende/ vast en(de) gestedich te houden en(de) d(aer) jege(n) nu(m)m(er)meer te doen bi hem/ selve(n) oft by yemant and(er)s in e(n)nig(er) manie(re)n borch(oven) oppend(orp) dec(embris) xxii