Cond si allen lieden dat joffrouwe lijsbeth boets weduwe/ lonijs wilen van beechout in jegenwordicheiden der scepen(en)/ van loeven gestaen heeft gegeven en(de) bekent dat si gegeve(n)/ heeft arnaude arnde tanouts van gheelrode thof/ gehete(n) thof te thuynen gelegen inde p(ro)chie van rode/ bij cortelke met den huysen hove(n) wynne(n)de lande boegarde(n)/ mette(n) elsbroec en(de) mette(n) houtwas vande(n) selve(n) elsbroec [vande(n) vors(creven) goeden]/ en(de) mette(n) beemde gehete(n) den reeghenbeemdt gelijc/ reyner reers de vors(creven) goede gehouden heeft Te houden te hebben/ en(de) te wynne(n) van halfmeye lest leden ene(n) t(er)mine van/ neghen jae(re)n lanc deen na dande(r) sonder middel volghende/ elx jairs hier en bynne(n) op alle de helicht vanden [coren en(de)] vrucht/ die op de vors(creven) goede wassen sal En(de) toexst als core(n) en(de)/ de vrucht tijtverdich [inden lant] sal sijn soe sal de vors(creven) wynne der/ vors(creven) joffr(ouwen) lijsbethe(n) helicht inde schuere aldaer vueren/ eer hi tsine ruere(n) [oft vueren] sal moegen En(de) als de vors(creven) joffr(ouwe)/ lijsbeth hoe(r) helicht wille doen derssche(n) soe sal de vors(creven)/ joffr(ouwe) lijsbeth den derssche(r) de dachue(re)n betalen en(de) de wynne/ sal den selve(n) i derssche(r) den montcost geven en(de) daer/ voe(r) sal de wynne [allet stroe] caf en(de) crientsen behoude(n) Ite(m) sal de/ vors(creven) wynne den vors(creven) joffr(ouwen) lijsbette(n) jaerlex den vors(creven) t(er)mine/die duerende gheven vande(n) heft en(de) vander werden vande(n)/ boegarde vande(n) elsbroeke vande(n) houtwasse en(de) vanden/ reeghenbeemde x rijnsch gulden(en) van goude goet en(de) gheve/ te sente m(er)tens misse inden wynt(er) te betalen alle jae(re) den/ vors(creven) t(er)mine duerende en(de) telken t(er)mine als v(er)volghde scout/ Oec sal de vors(creven) wynne jaerlex den vors(creven) t(er)mine duerende/ der vors(creven) joffr(ouwen) lijsbette(n) gheve(n) vande(n) beemden hier na be/ screve(n) Inde(n) yersten vande(n) beemde gehete(n) den calv(er)beemdt/ gelege(n) bide(n) huyse vand(er) horst Ite(m) van ene(n) beemde gehete(n)/ ter brugge(n)beemdt gelege(n) aen den erdwech Ite(m) van/ ene(n) beemde die joff(rouwen) yden boets was gelege(n) tussche(n)/ thof van thuyne(n) en(de) der nuw(er)molen vijfen(de)twintich rijnsch/ gulden(en) en(de) seven arnemsche gulden(en) beyde van goude goet/ / en(de) gheve en(de) v vi [ix] case goit en(de) custbair [oec te s(inte) m(er)tens misse inde wynt(er) te betale(n) alle (et)c(etera)] En(de) de vors(creven) wy(n)ne/ sal de vors(creven) wy lande wynne(n) w(er)ven en(de) mesten wel en(de)/ loflic [gelijc] sine(n) reengenote(n) bove(n) en(de) beneden en(de) de vors(creven) joffr(ouwe)/ joffr(ouwe) lijsbeth sal de vors(creven) lande moeghe(n) doen besien alst/ hoe(r) gelieft of die wael gemest sijn en(de) geboiret dat/ de vors(creven) wynne aen dmesten vande(n) wynt(er)core(n) gebreclic/ wae(r) dat sal hi moete(n) verbete(re)n aen tsom(er)core(n) Voert en[En(de) allet]/sal de vors(creven) wynne bynne(n) den vors(creven) t(er)mine gheen stroe noch[En(de) allet stroe en(de) hoye dat vande(n) vors(creven) goeden come(n) sal dat sal de vors(creven) wynne int vors(creven) hof brengen en(de) dat met sine(n) beesten aldaer etten en(de) v(er)teeren en(de) mest daer af maken en(de) dat weder opt vors(creven) lant vueren slands meesten p(ro)fite en(de) nerghens elde(r)]/core(n) uut den vors(creven) hove moeghen vueren mer dat al/

int vors(creven) hof brenge(n) en(de) dat aldaer met sine(n) beesten ette(n)/

en(de) v(er)teere(n) en(de) meste daer af maken en(de) dat wed(er) op tvors(creven)/

lant vande(n) vors(creven) hove vuere(n) slands meest p(ro)fite en(de) ner/

ghens elde(r) uutgesceide(n) dat de vors(creven) wynne jaerlix aldaer/ vande(n) stroe sal moege(n) malen alsoe vele walms als hi op/ de huysinge aldaer verdecken wille Ite(m) sal de vors(creven) wynne/ jaerlix den vors(creven) t(er)mine duerende op tvors(creven) goet houde(n) vier/ p(er)de viii horenvees en(de) hondert scape Oec sal de vors(creven)/ wynne den vors(creven) t(er)mine duerende de huysinge aldaer/ houden van wande en(de) van dake wel en(de) loflic en(de) die/ ten uutgane vande(n) selve(n) t(er)mine wel en(de) loflic gehoude(n)/ laten En(de) of aen de huysinghe e(n)nighe nuwe ty(m)meringe gebrake/ dat sal de voirs(creven) w joffr(ouwe) lijsbeth doen make(n) mer de wyn sal de(n)/ wercliede(n) de montcost gheven en(de) dbereetscap tot d(er) ty(m)meringe(n) int/ hof hale(n) En(de) alle ys(er)werc het si van naghele(n) oft ande(re) of oic latte(n)/ die aen de huysinghe gebrek(en) mochte(n) dat sal de voirs(creven) joffr(ouwe) lijsbeth/ ald(aer) leve(re)n En(de) alle droeghbome die daer valle(n) selen sal de voirs(creven)/ wyn hebben en(de) twee poten vande(n) selven aerde wed(er) setten It(em) sal/ de voirs(creven) joffr(ouwe) lijsbeth de hofgrecht ald(aer) tot haren p(ro)fijt behouden/ It(em) en sal de voirs(creven) wyn gheen ande(r) goede den voirs(creven) t(er)mijn duerende/ te pacht [noch t(er) helecht] moge(n) houde(n) En(de) de voirs(creven) wyn sal de lande vande(n) voirs(creven)/ t(er)mijn laten gelijc hier na bescreve(n) steet Inde(n) yersten de groet kem/ py(n)ne houdende vijf boende(r) met rogghe besayt daer af den/ voirs(creven) wyn ten afscheide(n) vande(n) voirs(creven) t(er)mijn half den rogghe/ volgen [sal] mer tkaf en(de) stro sal hi int voirs(creven) [hof] laten It(em)/ / dbloc bove(n) dwijngardeke(n) met rogge besayt d(aer) af de(n) voirs(creven)/ wyn niet volgen en sal It(em) tschildeken besayt met zom(er)coren en(de)/ dat sal hi ge moeten doen mayen en(de) dies gelijx dlant bove(n)/ der vrouwen claes sal hi late(n) besayt met zom(er)coren en(de) dat oec/ doen mayen It(em) dlant beneden dwijngardeke(n) [houdende een half boend(er)] oec met zom(er)core(n) besayt/ dair af de(n) selven wynne niet volgen en sal En(de) des gelijx sal hi tcleyn/ block gelege(n) neve(n) thof te thuyne(n) laten besayt met zom(er)coren d(aer) af/ hem oec niet volgen en sal It(em) dbloc voe(r) den wijngart sal hi late(n)/ met zom(er)coren besayt daer af de wyn half volgen sal tzom(er)coren/ mer [kaf en(de)] tstro sal int hof bliven It(em) tgroet bloc gelege(n) voe(r) thof/ houdende iii boende(r) sal hi laten met ghersten besayt en(de) hem sal/ volge(n) half de gherst mer caf en(de) stro sal hi [int] hof bliven It(em)/ de kempy(n)ne houdende vier boende(r) sal de wyn brake laten te/ wete(n) twee boende(r) d(aer) af eens o(m)megedaen en(de) dande(r) twee boende(r)/ tweew(er)f omgedaen Ite(m) den nuelskenshof houdende vijf zeel/ sal de wyn laten brake Ite(m) de aende wolfeyke een boend(er) daer/ bi een boender en(de) bi tuylenb(er)ghen bide goede gielijs cluwens der/ dalf dachmael sal de voirs(creven) wyn laten brake Oec sal de voirs(creven)/ wyn de voirs(creven) goede ten sine(n) afscheide(n) wel en(de) loflic begracht/ bethuy(n)t en(de) bevreedt late(n) en(de) die also sine(n) t(er)mijn duerende houde(n)/ Voert is vorw(er)de dat de voirs(creven) wijn de voirs(creven) drie beemde/ te wete(n) de(n) kalverbeemdt den brugge(n)beemdt en(de) yden boets beemdt/ was laten sal bevreedt gelijc hi die jaerlex ut bevreden sal/ den voirs(creven) t(er)mijn duerende En(de) alle dese vorw(er)den punte(n) en(de) condicie(n)/ bove(n) bescr(even) hebbe(n) geloeft de voirs(creven) joffr(ouwe) lijsbeth en(de) wyn malcande(re)n/ vast en(de) gestedich houde(n) en(de) voldoen gelijc in alle der forme(n) en(de)/ manie(re)n bove(n) bescr(even) en(de) elke(n) t(er)mijn alse v(er)volghde schout En(de)/ hier af sijn burghe(n) des voirs(creven) arnts tanouts alse p(ri)n(cipa)[le] sculde(re)n/ ongesundert en(de) ongescheide(n) goessen tanouts sijn vader [en(de)] wout(er)/ van wynde sweer des voirs(creven) arnts de welke de selve arnt/ hier af geloeft heeft scadeloes te houde(n) en(de) tontheffen/ lombart wante junii ulti(m)a