Item want stoet ende debat opverstaen was tuschen woute(re)n vanden poele/[in deen side] ende janne vanden poele in dande(re) als van eenen mudde rogs lijftochten/ ende eenen halven mudde rogs erfspachts ende meer anders erfs soe/

sijn de voirs(creven) p(ar)tien daer aff de voirs(creven) wouter den voirs(creven) janne vanden/ poele aengespo aensprect Soe sijn de voirs(creven) p(ar)tien des comen voer/ scepen(en) vand loven(e) ende hebben hen van dien stoet en(de) voirtaen van/ allen ande(re)n zaken en(de) stucken die sij malcande(re)n eyschende moghen sijn/ tot opten dach van heden verbonden ende ghekeert in zegge(re)n ende/ vriendelike yffene(re)n Te weten de voirs(creven) jan wouter vanden poele in/ clase coens ende arnt vander voert ende de voirs(creven) jan vanden/ poele in gheerde ghoys ende cole grielen Gelovende beyde p(ar)tien/ voirscr(even) vast ende gestedich te houden soe wes de voirs(creven) segg(er)s/ inder voirs(creven) zaken voer hae(r) goetduncken seggen en(de) uuten(en) selen/ cor(am) lomb(ar)t borch(oven) iunior aug(usti) xxv