SAL7723, Akte: V°206.1 (143 van 249)
Akte V°206.1
Act
Datum: 1430-01-20
Transcriptie
2023-08-25 door Jan BoncquetCond sij allen liede(n) dat henric pypenpoy sone henrics wil(en)/
pypenpoy va(n) merchten(en) in jeg(enwordicheit) d(er) scepen(en) van loeve(n) gestae(n) heeft/
geg(even) en(de) bekendt dat hi gegeve(n) heeft jose de weert sone wil/
lems de weert inden name en(de) tot behoef gielijs jacobs sijns zwage(r)/
de tweedeel vanden goede(n) hier na bescreve(n) Inden yersten de/
tweedeel vanden goede(n) dieme(n) heet va(n) wilde(re) in huyse(n) hove(n)/
wynnende(n) lande(n) beemde(n) en(de) eeusele(n) met alle(n) sinen [hae(re)n] toebehoirte(n)/
gelege(n) op hobosch inde p(ro)chie van merchten(en) voirs(creven) gelijc de/
voirs(creven) [gelijc] gielijs jacobs de de selve goede aldaer nu houdende es/
It(em) de twegedeelte van ene(n) eeusele gehete(n) de muyte gelege(n)/
ald(aer) gelijc lancelot de cupe(re) dat nu houdende is Te houden/
te hebbe(n) en(de) te wynne(n) van half meye dat wesen sal/
int jae(r) ons he(re)n m cccc en(de) xxxix ene(n) t(er)mijn van twelf/
ja(r)en lanc duerende deen na dande(r) d(aer) na sond(er) myddel vol/
gende elx jaers daer en by(n)nen om vieren(de)tsestich gulden/
te wete(n) xxxvi pl(a)c(ken) payments voe(r) elken gulden voirs(creven) ghe/
rekent tot kersmisse te betale(n) alle ja(r)e den voirs(creven) t(er)mijn duere(n)de/
en(de) telken t(er)mine alse v(er)volghde schout En(de) es vorw(er)de dat/
de voirs(creven) joes de voirs(creven) joes de voirg(eruerde) goede laten [sal] te(n) [sine(n)] afscheyde(n)/
vande(n) voirs(creven) t(er)mine gelijc hi die vijnden sal te sine(n) ae(n)comen/
lombart custe(re) ja(nuarii) xx
Nagekeken door: kristiaan magnus
Moderator: Mi-Je Van Gils
Laatste update:: 2016-03-02 door xavier delacourt