Cond zij allen lieden dat henric wieckeman van lovenjoel in jegewordicheiden der/ scepenen van loven(e) gestaen heeft genomen ende bekent dat hij genomen/ heeft van janne dycbier hee(re) tot mierle ende joffr(ouwe) johannen zwaefs sijnre/ wettig(er) ghesellynnen thoff des selfs jans ende joffr(ouwe) johannen gelegen te/ weterbeke metten wynnen(de) lande bogaerden beemden ende eeuselen daer/ toehoe(re)nde en(de) met allen sinen toebehoirten Te houden te hebben ende/ te wynnen van opten yersten dach van mey lestleden enen t(er)mijn/ van sesse jae(re)n langc deen na dander staphans volgende elx jaers/ hie(re)n bynnen op de helicht vanden coren dat op tvoirs(creven) goet jaerlix/ wassen sal ende toeghst alst coren inden bant sijn sal soe sal/ de voirs(creven) wynne des voirs(creven) jans en(de) joffr(ouwe) johannen helicht/ inde schuere moeten vueren eer hi tsijne rueren of vueren/ sal moegen/ / Voert sal de voirs(creven) wynne gheven vanden beemde(n) en(de) weyde(n) ald(aer)/ den voirs(creven) janne en(de) joffr(ouwe) johanne(n) elf cronen d(er) mu(n)ten skoninx va(n)/ vrancrijc goet van goude en(de) swae(r) va(n) gewichte of [de] werde d(aer) af in ande(re)n/ goede(n) gelde half ts(in)[te] mertens misse inde(n) wynter en(de) half te half/ te meye te betale(n) alle(n) jae(re) de(n) voirs(creven) t(er)mijn duerende en(de) elke(n) t(er)mine/ alse vervolghde schout En(de) is vorw(er)de so wie vande(n) voirs(creven) janne/ en(de) joffr(ouwe) johanne(n) in deen side en(de) den voirs(creven) wyn in dande(re) scheyden/ wille dat hi dat sal moge(n) doen ten halven t(er)mine en(de) so wie/ dat scheyden wilt die salt de(n) ande(re)n een jae(r) te voren laten wete(n)/ It(em) de voirs(creven) wynne sal de voirs(creven) lande laten ten eynde vande(n)/ voirs(creven) t(er)mine gelijc hi die vant te sine(n) incomen dats te weten/ vier en(de) half boende(r) opt velt acht(er) thof comende tot de(n) hove It(em) viii dach(mael)/ lants gelege(n) tussche(n) lodewijcs lant van wet(er)beke in beyden eynden en(de) jege(n)/ de(n) reysen art It(em) seven dachmael lants gelege(n) inde delle neven de goede/ arnts van le(n)neke en(de) neve(n) de bosschelle op tselve velt aende(n) wech/ een half boende(r) gelege(n) tussche(n) de goede gielijs vand(er) pypen en(de) de goede/ wout(er) ballarts al tsamen met wynt(er)coren besayt wel en(de) loflic op/ vier getideghe vore(n) It(em) xiiii dach(mael) lants gelege(n) opt rot tussche(n) arnts lant/ van le(n)neke en(de) de bosschelle It(em) een half boende(r) lants op tselve lant/ gelege(n) opten hornack vande(n) hersbosch It(em) iii boende(r) ghelege(n) opte hoeve/ aende haghe tussche(n) [op] de(n) nuwenbeemdt in deen side en(de) aen doude strate/ It(em) een half boende(r) op tselve velt tussche(n) de goede vranc zeghers en(de)/ jans grote(n) It(em) op tselve velt een half boende(r) gelege(n) tussche(n) themelrijc/ en(de) gielijs nijs It(em) noch een dachmael opt selve velt gelege(n) tussche(n) de/ goede vranc zeg(er)s en(de) beat(ri)sen zeghers It(em) (½) boende(r) op tselve velt/ tussche(n) themelrijc en(de) die aenhoustrate It(em) een half boende(r) op erme(n)/ tenden veldeke(n) neve(n) de goede lodewijcs van wet(er)beke It(em) (½) boend(er) op/ tselve velt opte(n) zavel daer de(n) wech doe(r) gheet alle dese lande sal/ hi laten storte en(de) eens wael voe(r) gheerijt It(em) een half boende(r)/ opt dorneke(n) aende houweyke neve(n) lodewijcs goet van wet(er)beke/ It(em) (½) boend(er) op tselve velt aen tpedeken dat ten bosch w(er)t gheet/ neve(n) de goede henrics stroeprox en(de) lodewijcs van wet(er)beke It(em)/ vi dach(mael) op tselve velt met beyden eynden neve(n) de goede lodewijcx/ van wet(er)beke en(de) des heylichs gheests eeusel van loeve(n) It(em) drie/ / dach(mael) lants opten nuwenbeemde neve(n) de goede vrancs zeg(er)s/ It(em) tderdeel van eene(n) boende(r) gelege(n) ter breemt opt cleynveldeke(n)/ neve(n) vrancs zeghers goede en(de) wout(er) bollarts It(em) iiii(½) dach(mael)/ lants opt dboschveldeken bosschelveldeke(n) tussche(n) de bosschelle en(de) de/[h(er)strate] It(em) and(er)half dach(mael) opten hovel aende herstrate It(em) and(er)half/ dach(mael) op tselve velt tussche(n) de goede tsheilichs gheests va(n) loeve(n)/ en(de) henrics vande(n) borchove(n) It(em) iii dach(mael) op tselve velt aende/ boschstrate neve(n) de goede willem gordijns It(em) seve(n) dach(mael) lants/ gelege(n) opte(n) nuwe(n)beemdt aende volxhaghe neve(n) jans g(r)[o]ten/ lants It(em) een [half] dach(mael) lants gelege(n) aenden nijsberch aende d/ aenhouwstrate Al dese lande sal hi laten brake en(de) eens wael/ gheerijt en(de) half [alle] doeft dat daer wassen sal sele(n) de voirs(creven)/ jan en(de) joffr(ouwe) joha(n)ne in deen side en(de) de wynne half en(de) half deyle(n)/ en(de) hebben en(de) elc van hen beyden sal ene(n) leser daer toe sette(n)/ de welke beyde de vors(creven) wyn den montcost gheve(n) sal mer/ een yegelic van hen sal sine(n) leser de dachhuere(n) betale(n) En(de)/ de voirs(creven) wyn sal de(n) voirs(creven) janne en(de) joffr(ouwe) johanne(n) hae(r) helecht/ vande(n) hove [oefte] tot loeven leveren ten wae(re) dat sijt v(er)cochten It(em)/ als de voirs(creven) jan en(de) joffr(ouwe) joha(n)ne ald(aer) doen dersschen so sal/ de voirs(creven) wyn den voirs(creven) dersscher den montcost gheve(n) en(de)/ hem een bedde leveren om d(aer) op te slapen en(de) daer voe(r) sal/ de voirs(creven) wyn caf en(de) criensen behouden en(de) de voirs(creven) jan en(de)/ joffr(ouwe) joha(n)ne sele(n) de(n) voirs(creven) derssche(r) sijn dachhue(re)n betale(n) [en(de) de selve wyn sal hen hae(r) helecht van hare(n) core(n) jaerlix te loeve(n) leve(re)n] It(em) dies/ gelijx toeghst als si daer ene(n) knecht seynde(n) zelen dien sal/ de voirs(creven) wyn de(n) montcost gheve(n) Oec is ond(er)sproke(n) en(de) ge/ vorwerdt dat de voirs(creven) wyn inde bossche(n) ald(aer) gheen recht/ hebben en sal voe(r) dat die spruyte(n) drie jae(r) out selen zijn/ en(de) dan sal de voirs(creven) wyn alleen sijn p(er)de sond(er) ande(re) beeste(n)/ daer op moge(n) doen En(de) de voirs(creven) wyn sal de voirs(creven) lande/ wel en(de) loflic den voirs(creven) t(er)mijn duerende op sijn getidege voren/ wynne(n) en(de) w(er)ven te wete(n) de(n) wynt(er)aert op vier getidege/ voren en(de) de(n) zomer aert op ii voren en(de) de brake eens o(m)megedae(n)/ met alsulk(en) vorw(er)de(n) dat de voirs(creven) wyn inde(n) zomer aert/ laten sal besayt xii molevate(n) crucken It(em) sal de voirs(creven) wyn/ / alle de goede beyde lande en(de) eeusele(n) wael en(de) loflic bevreedt/ en(de) beheymt late(n) also dat behoren sal en(de) de vors(creven) wyn en sal/ bynne(n) den vors(creven) sine(n) t(er)mine gheen lande ledich mogen laten liggen/ hi en salse wynne(n) en(de) bedriven en(de) alle tcoren dat op tvors(creven) goet/ wassen sal dat sal de voirs(creven) wyn int voirs(creven) hof b(ri)nge(n) en(de) tstroe/ met sine(n) beeste(n) ald(aer) ette(n) en(de) v(er)there(n) en(de) meest d(aer) af make(n) en(de) dat/ wed(er) opt voirs(creven) lant vuere(n) slants meesten p(ro)fijt It(em) is oec vorw(er)de dat/ de voirs(creven) wyn gheen opgaende hout en sal moge(n) houwen tru(n)cken/ noch slenen mer alle ande(r) hout sal hi moge(n) truncke(n) te(n) behoirlike(n)/ tide om de goede ald(aer) mede te bevreden en(de) sijn berninghe d(aer) aen nemen/ en(de) so wanneer hi e(n)nige verdroeghde willighe afhouwt so sal hi/ daer voe(r) ii poten vande(n) selve(n) arde wed(er) sette(n) It(em) sal de voirs(creven)/ wyn jaerlex int voirs(creven) hof leve(re)n xxv mandelen walme(re) om de/ huysinghe ald(aer) mede te decken en(de) alsmen die ald(aer) v(er)dect oft plect/ so sal de voirs(creven) wyn den werclude(n) den montcost gheve(n) en(de) jan en(de)/ joffr(ouwe) johanne sele(n) de dachhue(re)n betale(n) en(de) waert also dat de vors(creven)/ jan en(de) joffr(ouwe) joha(nn)e e(n)nighe walme(re) meer cochten die sal de wyn moete(n)/ halen en(de) oec de(n) leem diemen daer toe behoeven sal En(de) waert/ oec dat des ver voirs(creven) [wynnen] beesten aende vors(creven) huysinghe yet brake(n) vand(er)/ ond(er)ster rikele(n) ned(er)wart dat sal hi op sinen cost wed(er) moeten/ maken It(em) sal de vors(creven) beemde wyn de voirs(creven) beemde ald(aer) jaerlex/ moeten vaghen en(de) ryolen wel en(de) loflic It(em) sal de voirs(creven) wyn/ opte dleste jae(r) vanden voirs(creven) t(er)mine vanden wynt(er)mest uut te vuere(n)/ ongehoude(n) sijn [It(em) sal de voirs(creven) wyn jaerlex moge(n) sayen iii dachmael cruck(en) die hi alleen behouden sal daer voe(r) de voirs(creven) jan en(de) joffr(ouwe) joha(n)ne behoude(n) sellen alleen iii dach(mael) zom(er)corens] En(de) alle dese vorwerde(n) [punte(n) en(de) condicie(n)] boven bescreven heeft/ gheloeft de voirs(creven) will wynne de(n) voirs(creven) janne dicbier en(de)/ joffr(ouwe) johanne(n) wel en(de) volcomelic te houde(n) en(de) te voldoen in/ alle d(er) mate(n) en(de) voeghe(n) gelijc voirscr(even) steet en(de) telke(n) t(er)mine alse/ v(er)volghde schout En(de) hier af sijn burghe(n) des voirs(creven) henrics/ alse p(ri)ncipael sculde(re)n ongesund(er)t en(de) ongescheiden lodewijc lyeboys/ en(de) wout(er) de no s(er)bu(r) becke(re) mu(n)te(r) de welke de selve/ henric heeft geloeft hier af scadeloes te houde(n) en(de) te/ ontheffen lomb(ar)t custe(re) sept(embris) xii