Item want cornelijs van aa in manie(re)n van divorcien met der heilig(er) kerken /Item want also is dat cornelijs van aa op dese tijt niet en sit en(er) joffr(ouwe)/m(ar)grieten van hamme sijnre gesellynnen dwelc sij biden raide vander stat/van loeven bracht heeft met ande(re)n ende meer notabelen redenen h(uer) daer toe/dienen(de) biddende der selver stat van loeven want sij beducht is dat /de voirs(creven) cornelijs h(uer) man scepenen brieve van loven maken soude willen/daer mede sij aen hoe(re) goede die van hoe(r) sijden comen sijn gehindert ende/v(er)achtert mocht werden dat sij daer op raet woude hebben dat des niet/en gesciede want hue(re) voirseten dat tot tot noch toe verhouden hebben/so is de voirs(creven) stat van loeven verdragen ende gesloten in hoe(re)n vollen/raide datmen dair niet over staen en sal daer de voirs(creven) cornelijs/e(n)nige brieve voer scepen(en) van loven(en) maken oft vestighen sal dat den/voirs(creven) b joffr(ouwe) margrieten aen hoe(re) goede die van hoe(re) siden comen moegen/sijn e(n)nich letsel oft hinder doen oft inbringen sal moegen in e(n)nig(er) manie(re)n/ten ware dat de voirs(creven) cornelijs ende joffr(ouwe) m(ar)griete in goeder mynnen/ br weder bij een als man en(de) wijf quamen sitten dat dan de selve cornelij(s)/hem metten rechte vander stat sal mogen behulpen gelijc ande(re)n goeden/mannen coram lye(ming)[en] vossem burg(i)m(a)g(ist)ris ac om(n)ib(us) aliis ut in plurib(us)/de consilio nove(m)bris x[a] anno xxx[mo]