It(em) h(er) goessen gans co(m)mendoer des huys van sent(er)/ claes op de borgh te loeven heeft gegeve(n) en(de) bekent dat/ hi gegeve(n) heeft inde(n) name en(de) van wegen des selfs huys/ henrike van sentruden en(de) m(er)ten vande(n) rodeken beyde van campenh(out)/ de goede hier na bescreve(n) inde p(ro)chie van campenhout gelegen/ Ierst een eeusel gelege(n) te campenhout aen de voert biden hove/ h(ere)n jans tsh(er)togen ridders Ite(m) een half boende(r) beemps gelege(n)/ inde slage bide(n) goeden henr(ix) vand(er) eyken Ite(m) iiii(½) dachmale lants
//
gelege(n) op dorpvelt bide(n) den goeden des vors(creven) he(re)n jans/ tsh(er)toge(n) Ite(m) iiii(½) dachmale lants gelege(n) opt wildevelt/ in iiii stucken Te houden te hebben en(de) te wy(n)nen/ van half m(er)te dat wese(n) sal van nu half m(er)te naist/ comende twel [over een jair] ene(n) t(er)mijn van twef twelf jae(re)n lanc/ deen na dande(re) sond(er) middel volgende Elx jairs daer/ en bynne(n) omp alle den co(m)me(r) chijns en(de) last daer/ uutgaende te behoerike ende gewoenliken tide te betalen En(de)/ vort aen op vier mudde en(de) een halff rogs goet en(de) payabel der maten/ van loeven met wanne en(de) met vede(re)n wael bereyt ende vijff holl(ansche)/ gulden van goude goet en(de) gheve Te betalen te weten tvoirs(creven) coren/ te sente andries misse en(de) tvoirs(creven) gelt tot sente m(er)tens misse/ inden wynter ende te loven te leve(re)n j alle jaere den voirs(creven) t(er)mijn/ duerende ende telken t(er)mine als vervolghde schout Ende is/ vurwerde dat de voirs(creven) wynnen den voirs(creven) h(e)r(e)n goessen jairlix/ den voirs(creven) t(er)mijn due(re)nde bevreeden sullen een bosschelkijn gelege(n)/ inde slaghe bide goide willems vanden nuwen weeghe En(de)/ de voirs(creven) wynnen sullen de voirs(creven) lande wynnen werven ende/ mesten gelijc hoe(re)n reengenoeten boven en(de) beneden cor(am) borch(oven)/ ouder(ogge) martii xii/