Cond zij allen lieden dat willem sceepman wonen(de) te harke es comen in / jegewordich(eit) d(er) scepen(en) van loven(en) ende heeft genomen en(de) bekent dat/ hij genomen heeft van h(e)r(e)n robbeerte van beerthem biden/ gedoige ons hee(re)n [abdt des godshuys van vliederbeke] inden name ende van weghen des voirs(creven) cloest(er)s/ thoff des selfs cloesters geheten van beetse met allen sinen [den] toebehoirte(n)/gelegen te beetse den selven hove aldaer toebehoe(re)nde ende mett(er)/ molen des voirs(creven) cloesters te beetse [gelege(n)] uytgenomen de goede der pyeta(n)chien/ en(de) costerien van vlied(er)beke toebehoe(re)nde den tsijs aenden prochiaen te beetse/ den bosch aldaer ende den beempt geheten roelants boender de goede/ diemen namaels vercrigen mach ende tpontgelt tsijs capuyne coren/ ende heerscap vanden mannen van leen te houden te hebben ende/ te wynnen van halfmerte [nu neestcomen(de)] dat sijn sal int jae(r) ons hee(re)n m cccc/

ende xxx eenen t(er)mijn van xii jae(re)n langc due(re)nde deen na/ dander daer na staphans volgende elx jaers de(n) voirs(creven) t(er)mijn van/ xii jae(re)n due(re)nde om xxx l(i)b(ra) ouder groete turnoyse van goet/ ende gheeve te weten xx gulden rijnsche [der coervorst(er) mu(n)ten voe(r) datu(m) des briefs gemunt] van goude goet/ ende gheve voer [elc] elke der voirs(creven) l(i)b(ra) [groet vors(creven)] gherekent oft de weerde/ daer aff in ande(re)n goeden [goude gelde] gelde ende om i l(i)b(ra) was diests/ gewichte goet ende nuwe te sente remeys misse [den vors(creven) t(er)mijn dur(ende)] elx jaers/de voirs(creven) xii jae(re) langs der came(re)n des voirs(creven) mijns hee(re)n dsabs/ te betalen ende te leve(re)n [en(de) telke(n) t(er)mijn als v(er)volghde schout] Ende es te weten dat de voirs(creven) wynne/ alle den gront tsijs in ghelde in corne in capuynen uyt den voirs(creven)/ goeden gaende te behoirliken tiden betalen sal den voirscr(even) t(er)mijn/ due(re)nde sonder afslach der voirs(creven) sommen welke xxx l(i)b(ra) ouder/ g(r)[o]te de voirs(creven) wynne betalen sal ende geloeft heeft te betalen/ alle jae(re) de voirscr(even) [t(er)mijn] xii jae(re) langc due(re)nde elx jaers te iiii t(er)minen/ ende int voirs(creven) cloester oft inden stat wissel van loven(en) op sinen/ cost te leve(re)n te weten viii l(i)b(ra) g(r)[o]te daer aff te sente jans misse/ viii l(i)b(ra) g(r)[o]te d(aer) aff te sente remeys misse viii l(i)b(ra) g(r)[o]te daer aff/ tot onser vrouwen daege lichtmisse ende vi l(i)b(ra) g(r)[o]te daer aff/ te halfmerte ende also voert van jare te jare de(n) voirs(creven)/xii jae(re) langc [t(er)mijn] due(re)nde [en(de)] telken jae(re) xxx l(i)b(ra) gr ouder groete [t(er)mijn als vervolghde schout]
//
Item sal de voirs(creven) wynne de woenyngen vanden voirs(creven) hove van beetse/ met allen den huysen daer aen staende ende tot den voirscr(even) hove/ hoe(re)nde wel ende loflic op sinen cost houden van wande ende van dake/ den voirs(creven) t(er)mijn due(re)nde ende de voirs(creven) abdt en(de) convent selen se/ houden van g(r)[o]ter nuwer ty(m)meringen Oec so en mach noch en sal/ de voirs(creven) wynne niet tymme(re)n inden voirs(creven) hove van beetse sonder weten/ des voirs(creven) abd Item en sal de voirs(creven) wynne negheen boeme ald(aer)/ moegen truncken noch afhouwen uutgenomen popele(re)n willigen en(de)/ ande(re) boeme diemen gewoenlic is te truncken die sal hij moegen/ truncken te behoirliken tide de voirs(creven) goede mede te beheymen Ende/ waert dat sake dat aldaer inden voirs(creven) hove e(n)nige boeme/ v(er)droeghden oft uytwaeydden vanden wynde die sal de voirscr(even)/ wynne hebben ende voer elc stucke ii die(r) geliken weder/ planten en(de) setten Ende daer toe sal de selve wynne den vors(creven)/ t(er)mijn due(re)nde elcs jaers inden voirs(creven) hove c goeder/ custbae(re) poten setten ende planten Voert met alzulker/ condicien ende vorwerden dat de voirs(creven) wynne inden drien/ lesten jae(re)n vanden voirs(creven) t(er)mine niet meer dan een boender tsjaers/ en sal moegen hoervruchten ende de voirs(creven) lande ten eynde va(n)den/ voirs(creven) t(er)mine als hij uyten voirscr(even) hove vae(re)n sal besaeyt laten/ en(de) ghewonnen inder manie(re)n als h(ier) nae volght dats te weten/ xx boenre welc ende loflic besaeyt ghemest ende ghewonnen/ op sijn tidege voren met wynt(er)coren de storte eens om gedaen/ ende de brake geheel Item dat de voirs(creven) wynne de voirs(creven) goede/ tot den hove hoe(re)nde ende de beemde aldaer sal wel begrecht/ laten Item hij en sal op dleste jaer gheen tuyne staende/ op de voirs(creven) goede afbreken oft afdoen Item es te weten waert/ dat zake dat inden voirscr(even) hove brant geviele oft geschiede/ dat god verhueden moet van des voirs(creven) abs en(de) convents/ weghen dat sal sijn in hae(r) schaden Waert oec dat zaken/ datter brant geviele mids ocsuyne des voirs(creven) wynnen
//
dat dat sijn soude in schaden des selfs wynnen ende die schade/ sal hij sculdich sijn op te richten den abdt en(de) convente voirs(creven) Waert/ oec dat zake datter brant geviele en(de) men gheen van desen/ gheprueven en conde so soude elc p(ar)tie hoe(r) scade draghen ende/ dat soude staen [ten ter taxacien van eerdwynne(n) en(de) ande(r) goed(er) liede die he(n) des v(er)staen] tot wiser liede seggen ende ter goeder waerh(eit)/ Item dat de voirs(creven) abdt hebben ende behouden sal inden voirs(creven) hove/ sijn gijste ende ligghen iiii werven tsjaers van allen [en(de) yegewelken] goeden ende/yegewelken alsmen gewoenlic heeft gheweest op tvoirs(creven) wynnen cost/ en(de) expens Eest oec dat zake dat den voirs(creven) abdt dicker ghevelt/ daer te comen dat sal oec sijn op des voirs(creven) wynnen cost en(de) expens/ wijn en(de) wassen kerssen altijt uyt genomen Oec sal de voirs(creven) wynne/ ontfaen de moincke ende gheseinde des voirs(creven) cloesters also dicke/ als sij daer inden voirs(creven) hove comen sullen ende oec op des selfs/ wynnen cost uytgenomen van wijne ende in dien dat sij in/ hoe(re)n abbite ende met orlove hoers overste(n) inden voirs(creven) hove/ comen Item sal de voirs(creven) wynne alle jae(re) xii den voirs(creven) t(er)mijn/ due(re)nde betalen xv gulden rijnsche swaer van gewichte tot den/ houden behoeff ons genedichs hee(re)n van brabant sonder afslach/ den voirs(creven) sommen Oec sal de selve wynnen alle ande(re) carweyden/ doen en(de) sculdich sijn te doen diemen vanden voirs(vreven) hove sculdich is/ also men tot heer toe geploghen heeft Ende sal voert de/ voirs(creven) wynne de brec alle jae(re) den voirs(creven) t(er)mijn due(re)nde houden/ enen hont oft te twee jae(re)n twee oft sij daer gheseint worden/ van ons gened(ichs) hee(re)n wegen voirs(creven) Waer oec dat zake dat/ inden voirs(creven) hove e(n)nige ongewoenlike corweyden vielen te doen/ van ons genedichs hee(re)n weghen van brabant mids ocsuyne des/ voirs(creven) abds en(de) convents des niet sijn en moet van sulken corweyden/ selen de voirs(creven) abdt en(de) convent den voirs(creven) wynne co(m)merloes ende/ schadenloes houden Item gevielt oec also dat yemand van
//
ons gened(ichs) hee(re)n wegen e(n)nich peert oft beesten hebben oft halen/ woude inden voirs(creven) hove alst gheen ghemeyn orloge en wae(re)/ dats te weten op reysen geheten sprinck reysen ende de voirs(creven)/ wynne daer e(n)nich schade bij name die sal mijn hee(re) dabt en(de)/ tconvent den voirs(creven) wynne op richten ter taxacien van goeden/ mannen Item van [gemeynen] tempeesten ende gemeynen orlogen oft die/ gevielen dat god verhueden wille so selen de voirs(creven) abdt en(de)/ convent den voirs(creven) wynne redelic versien gelijc ande(re) hee(re)n en(de)/ p(re)laten hoe(re)n wynnen gewoenlic sijn te doen ende also men aldaer/ pleeght te doen also verre alst minen hee(re) den abdt en(de) (con)ve(n)te/ voirs(creven) goets tijts gecondicht wae(r) worde Waert oec dat zake/ dat hagelslach gheviele dat coren verslagen worde dat souden/ de abdt en(de) convent den wynne oprichten na goeder lude/ taxacien Ende waert dat zake dat de beemde overvloten/ met eerden dat souden dabdt en(de) convent den voirs(creven) wynne/ afcorten ter goeder lude taxacien IEnde de selve wynne sal/ de dijcke daer scloest(er)s erve aen de gheete leegt also houden/ dat den beemde(n) doer scloest(er)s dijcke gheen scade en(de) geschiede/ Item es vorwerde dat de voirs(creven) wynne de dijcke vand(er) gheeten/jaerlix ende de grecht geheten de middelste grecht ende alle/ ande(re) grechten en(de) weeghe aen svoirs(creven) cloest(er)s erve gelegen jaerlix/ den voirs(creven) t(er)mijn due(re)nde wel ende loflic vaghen ruymen en(de)/ maken sal op sinen cost Ende gevielt datmen gebode de gheete/ ende de middelste grecht te vaghen so sal de wynne die also/ vaghen en(de) ruymen op sinen cost dat daer aff den cloeste(r) gheen/ schade noch becroen en come Ende waert dat zake dat/ gheviele dat abdt ende convent daden ty(m)me(re)n inden hove oft/ graven oft wat werck dabdt en(de) convent ald(aer) te doen hadden/ daer van sal de wynne den wercluden hoe(re)n montcost gheven
//
en(de) dabdt en(de) convent sullen de dachue(re)n betalen Ten wae(re)/ dat m(ijn) hee(re) dabdt en(de) convent daer e(n)nige nuwe huyse oft/ schue(re) oft ande(re) groete nuwe ty(m)meringe daer souden mijn hee(re)/ dabdt en(de) convent den wercluden beyde cost en(de) dachue(re)n betalen/ Item sal de voirs(creven) wynne hebben en(de) houden den voirs(creven) t(er)mijn duerende/ de molen des voirs(creven) cloesters ten compenrode elx jaers om iii mudde/ ende twee halster corens onsen [des voirs(creven) cloest(er)s] boschvorste(r) van cortenaken oft dient/ m(ijn) hee(re) den abdt genuegen sal te betalen ende op den erfpacht/ die jaerlix uut der voirs(creven) molen gaende is den welken pacht ende/ erfpacht de selve wynnen betalen sal jaerlix sonder afslach der/ voirs(creven) sommen Item sal de voirs(creven) wynne de huyse vanden voirs(creven) molenen/ te weten vanden molen(en) van compenrode en(de) vand(er) molen te beetse/ houden wel ende loflic van wande ende van dake den voirs(creven) t(er)mijn/ due(re)nde Ende dat hij oec de voirs(creven) twee molenen van yse(re)n wercke/ houden sal in goeden pointe den selven tijt due(re)nde Ende is te/ weten dat de voirs(creven) molenen den voirgenoemden wynne ghelev(er)t/ sijn ende ghetaxeert dats te weten de molen van compenrode/ uyt gescheiden dmolenhuys en(de) molen steyne [steen] lxv gulden hollantsche/ twee cronen goet van goude en(de) swaer van gewichte voer iii/ der voirs(creven) gulden(en) gherekent Item inde selve molen van compenrode/ hen ghelevert van molensteenen xiii duymen graens ander/ naecs steens Item des voirs(creven) cloesters gedeelte vander sluysen/ te beetse hen ghelevert en(de) ghetaxeert op iiii(½) l(i)b(ra) oud(er) groete/ xv oude scilde voer tpont g(r)[o]te gherekent Item de molen te/ beetse hen ghelevert en(de) ghetaxeert uytgenomen dmolenhuys/ en(de) de molen steene op lxviii gulden hollantsche ghevaluert/ als voe(r) Item den wynne voirs(creven) ghelevert inde selve molen van/ beetse van molensteenen viii duymen en(de) een derdeel grans/ andernaecs steens met alsulker vorwerden en(de) condicien
//
Waert dat de voirs(creven) molenen ten eynde vanden voirs(creven) t(er)mine in/ e(n)nigen vanden voirs(creven) stucken arger wae(re)n dat de voirs(creven) wynne/ den voirs(creven) abdt en(de) convente dat sal vergelden en(de) oprichten/ Waert oec dat sij beter vonden worden dat soude men hem/ oec gelden en(de) wederkee(re)n ten prise ende seggen van molensleg(er)/ Item de wynne sal houden op sinen cost en(de) last jaerlix de/ bruggen staende aende voirs(creven) molenen Item sal de voirs(creven) wynne/ den voirs(creven) t(er)mijn due(re)nde hebben de cappuyne en(de) tsijs des voirs(reven)/ cloesters [uutgenome(n) die d(er) pytancie(n) vors(creven) toebehoert] inden steden ende dorpen van halen van beetse/ en(de) van etsrike elx jaers om xx gulden rijnsche goet van/ goude en(de) swaer van gewichte [of de werde d(aer) af gelijc vors(creven) es] tons(er) te halfmerte te betalen/ Item sal oec de selve wynne hebben den voirs(creven) t(er)mijn due(re)nde dlant/ der costerien van vlierbeke aldaer toe behoe(re)nde elx jaers om iii/ oude schilde goet van goude en(de) swaer van gewichte Item de/ voirs(creven) wynne sal jaerlix leve(re)n den voirs(creven) abdt en(de) convente c/ kaesen inden voirs(creven) hove gemaect Item de voirs(creven) wynne sal/ jaerlix den voirs(creven) cloeste(r) some(re)n een volen Item dat de voirs(creven)/ wynne op dleste jaer vanden voirs(creven) t(er)mine stroe en(de) voesteringe/ van viii boende(re)n wint(er)corens ende viii boende(re)n zom(er)corens int/ voirs(creven) hof bringen sal ende die daer etten en(de) verteeren/ met sinen beesten ende te meeste maken ende alle dmest/ daer aff comen(de) int voirs(creven) hoff laten ende egheen mest noch/ voesteringe uten voirscr(even) hove vueren behoudelic dien waert/ dat hem dan te halfmerte hoey oeverbleve dat hij dat/ met hem wech vue(re)n mach en(de) sinen wille daer mede doen/ Item sal de voirs(creven) wynne allet stroe vanden voirs(creven) goeden/ comende vu etten en(de) sliten int voirs(creven) hoff ende daer aff/ mest maken en(de) dat vue(re)n op tvoirs(creven) cloest(er)s lande tslants meeste/ profite Item es sal hebben de voirs(creven) wynne jaerlix enen
//
rock gelijc m(ijn) hee(re) den abdt sinen ande(re)n pech wynnen/ gewoenlic is te gheven Ende alle de voirg(enoemde) etc(etera)/ H(ier) aff sijn borgen etc(etera) jan van nederhem nu t(er)tijt/ meye(r) te halen willem van ned(er)hem adam van/ ophem gheert van compenrode geldolff vander/ lynden bastart natue(r)lic soen geldolfs will wilen vand(er)/ lynden willem van ru(m)men henric van bloeme(n)dale/ arnt de rademake(r) [en(de) arnt de vroede] et primus cor(am) boys velde m(ar)tii/ xiii/