Item van alsulken gedinge als nu geweest is voer meye(r) en(de) scepen(en) van lov(en)/ inde banck aldair tuschen stas hauweels als momboir en(de) wittich man/ joffr(ouwe) lijsbetten van mole(n)beke docht(er) jans wilen van mole(n)beke in deen zijde/ en(de) woute(re)n en(de) weyne van mole(n)beke natue(r)lic sonen weyns wilen van/ molenbeke en(de) henricke van schoelant hoe(re)n swag(er) in dande(r) zijde in/ welken gedingen de voirs(creven) stas aensprack drie boend(er) lants/ geleg(en) inde prochie van tielt inde crauwels hoeve in twee stucke/ dair aff deen stucke houden(de) viii dach(mael) geleg(en) is aende strate/ gaende te thienen weert aen deen side en(de) der kerken lant va(n)/ molenbeke en(de) dander stucke houden(de) i boender is gelegen tuschen/ dlant der selver kercken op deen zijde en(de) de goide pet(er) coenraets/ op dander zijde Dair de voirs(creven) stas thoende dat jan wilen/ van molenbeke en(de) joffr(ouwe) katline wilen sijn vader en(de) moed(er) der voirs(creven)/ joffr(ouwe) lijsbetten de voirs(creven) goide besaten als hoe(r) wittich erve en(de) dat/ de voirs(creven) katline dair uut sterff als uut hoe(re)n erve en(de) dat jan van/ molenbeke dair inne bleef sitten(de) als een tochte(r) etc(etera) Es tvo(n)nis dat/ den voirs(creven) stas hauweels inden name vand(er) voirs(creven) joffr(ouwe) lijsbetten/ sinen wijve sijn kintsgeleg kintsgedeelte inde voirs(creven) goide volgen/ sall cor(am) borch(oven) abs(oloens) ouder(ogghe) boys maii xiiii xix
//