SAL7725, Act: R°28.2-R°29.1 (17 of 276)
Search Act
previous | next
Act R°28.2-R°29.1  
Act

Transcription

2017-04-24 by Willy Van Bruystegem
It(em) het sijn come(n) in recht voe(r) meye(r) en(de) scepen(en) van loeven inde/
banck aldaer willem van opheem van bruessel in deen/
side en(de) mychiel van reeligheem die ov(er)mids vo(n)nisse van/
scepen(en) brieve(n) van loeven come(n) en(de) gegoedt is in seke(re) goede die/
wae(re)n en(de) toebehoerde ja(n)ne vande(n) morte(re) in dande daer/
de vors(creven) jan vande(n) morte(re) [willem van opheem] een aensprake dede tot den vorscr(even)/
willeme mychiele van religheem seggende dat de selve mychiel/
hem ongebruyck maecte mett(er) vors(creven) sijnre guedinge(n) vand(er) helicht/
van v dachmale beemdts gelege(n) tot eppegheem inde hoeghland/
tussche(n) de goede golijs skempene(re) en(de) de goede h(ere)n anthonijs van/
religheem in dande(re) en(de) dat bi deser redene(n) want waer/
wae(re) dat jan jan wilen van religheem bastart gheerts/
sone de vors(creven) helicht vande(n) vors(creven) beemde voermaels v(er)crege(n)/
hadde jege(n) ene(n) ja(n)ne vande(n) morte(re) en(de) dat dat wae(r) was/
dat boedt de vors(creven) willem van opheem te thoene(n) en(de) met den/
minsten seggende noch voert de vors(creven) willem van opheem/
dat de vors(creven) wilen jan religheem bapt(is)t van live t(er) doet/
qua(m) sond(er) [wittige] geboerte van hem te bliven en(de) dat d(aer) o(m)me de/
helicht van desen beemde na den lantrecht aldaer/
sculdich was te come(n) en(de) te blive(n) aen theerscap aldaer/
en(de) dat boedt de vors(creven) willem oec te thoene(n) (et)c(etera) En(de) daer/
na thoendde de selve willeme ene(n) scepen(en) brieff vande(n)/
scepen(en) van s eppegheem dat hi inde helicht vande(n) vors(creven)/
beemde gegoedt was biedende voert te thoene(n) de vors(creven) willem/
van oppeem dat hi den vors(creven) beemdt als sijn erve ene(n)/
tijt van xxv jae(re)n besete(n) hadde en(de) daer bi inleggende/
op dat hem dat de nauwe wae(re) dat hi dan sijn behout/
vand(er) vorsc(reven) vors(creven) helicht vande(n) vors(creven) goeden doen woude (et)c(etera)/
hopende mids desen dat hem de helicht vande(n) vors(creven)/
goeden volgen soude (et)c(etera) op dwelc de vorscr(even) mychiel
//
hem met sine(n) gelev(er)de voerspreke v(er)antworde seggende/
dat hem alsulken aensprake als willem van opheem tot/
hem en(de) tot d(er) helicht vande(n) vors(creven) beemde [gedaen hadde] gheen onstade doen/
en soude en(de) dat bi desen redene(n) want wilen reyn(er) [arnt]/
vande(n) morte(re) den vors(creven) beemde met sine(n) wive als/
sijn p(ro)pe(re) erve besat en(de) d(aer) uut starf als uut sine(n)/
erve en(de) dat sijn wijf d(aer) in sittende bleeff als een/
tocht(er)sse en(de) dat si ene(n) wittigen sone acht(er)liete(n) met/
name(n) jan vande(n) morte(re) dien dese goede in helicht/
vande(n) vors(creven) goeden in deylingen vielen en(de) dat dit/
al wae(re) was dat boodt de vors(creven) mychiel van reeligeem/
te thoene(n) en(de) met den minsten Seggende voert de/
voers(creven) mychiel dat de vors(creven) jan vande(n) vors(creven) morte(re)/
den brieff uut welx macht hi gegoedt wae(re) bekendt/
hadde en(de) dat hi mids dien inde huedinge van/
sine(n) vors(creven) scepen(en) brieve(n) van loeven sculdich wae(re) te bliven/
en(de) na desen worde(n) beyde p(ar)tien vors(creven) tot hoe(re)n/
thoenisse gewijst daer de vors(creven) j willem van/
opheem thoendde alle tghene des hi hem v(er)meten/
hadde uutgesceiden dat hi niet en thoendde dat/
jan vande(n) morte(re) den vors(creven) wilen ja(n)ne van reeli/
gheem bast(ar)t inde vors(creven) goede gegoedt hadde ende/
de vors(creven) mychiel thoendde dat reyn(er) [arnt] wilen vande(n)/
morte(re) [de vors(creven) helicht vande(n) vors(creven) beemde] met sine(n) wive besat als sijn p(ro)pe(re) erve en(de)/
dat hi d(aer) uut starff als uut sine(n) erve en(de) sijn wijf/
na hem d(aer) in sittende bleef als i een tocht(er)sse en(de) dat/
na hoe(r) doet de vors(creven) helicht vande(n) vors(creven) beemde/
viele en(de) bleef in deylinge(n) ja(n)ne vande(n) morte(re) d(aer)/
uut de guedinge uut den beleyde van scepen(en) brieve/
van loeven des vors(creven) jans come(n) was op dwelc/
de meye(r) van loeven loeven maendde de scepen(en) van
//
loeven die wijsden voe(r) een vo(n)nisse na aensprake/
na v(er)antwerde(n) en(de) na thoenisse dat de helich en(de)/
na tvo(n)nisse dat de scepen(en) van loeven d(aer) op voermaels/
gewijst hadde dat de helicht vande(n) vors(creven) beemde/
den vors(creven) mychiele van reeligheem en(de) sijne guedinge/
volgen sal alsoe v(er)re alst noch voe(r) scepen(en) come(n)/
is Cor(am) d(omi)no lud(ovico) py(n)noc milite will(el)mo lomb(ar)t mychaele/
absoloen ar(noldo) vynck joh(ann)e de hug(ar)den (et) and(rea) de vosheem?/
a(n)no xxxi julii xxi
ContributorsBart Thoelen , Sabrina Keyaerts , Greet Stevens , Agata Dierick
Moderated byAgata Dierick
Last update: 2017-04-24 by Agata Dierick