Cond sij allen liede(n) want and(er)wile stoet en(de) discoert opgestaen/ en(de) geporrt sijn tussche(n) m(ijn) vrouwe(n) der abdissen [p(ri)orynnen] des godshuys van/ oudergheem en(de) hae(re) convent in deen side en(de) henricke(n) arnts van beetse/ en(de) wille(m)me waelweyns sine(n) zwag(er) in dande(r) rue(re)nde en(de) oerspronc ne/ mende uut alsulk(er) pacchtingen als wilen henric arnts vad(er) des voirs(creven)/ henric arnts gedaen en(de) genome(n)hadde jegen m(ijn) vrouwe(n) d(er) p(ri)orinnen voirs(creven)/ van hae(re)n goeden tot beetse gelege(n) en(de) des gelijx van alsulke(n) erfgoede(n)/ en(de) erfrenten als tvoirs(creven) godshuys voermaels jegen de(n) vors(creven) wilen/ henricke(n) arnts en(de) henricke(n) arnts sine(n) zoen voermaels v(er)crege(n) mach hebbe(n)
//
en(de) dies gelijx vande(n) alsu panhause dat de voirs(creven) henric arnts in erfdom/ genomen heeft jege(n) des tvoirs(creven) godshuys tot beetse gelege(n) en(de) van alsulk(er)/ onseden als de voirs(creven) wille(n) waelweyns [met sine(n) medeplichters] tgebesicht en(de) gedaen hadde aende/ wat(er)mole(n) gelegen tot beetse de(n) selve(n) godshuyse toebehoe(re)nde en(de) voertaen/ van allen ande(re)n eysschinge(n) scouden haven en(de) brieve(n) die de voirs(creven) p(ar)tijen/ deen de(n) ande(re)n eysschende moge(n) sijn tot opte(n) dach datu(m) des briefs/ niet d(aer) in uutgescheide(n) noch acht(er)gelate(n) so hebb heeft [hebben] hen h(er) jacob/ de rademak(er) p(ri)este(re) als proefst des voirs(creven) godshuys inde(n) name en(de)/ van wege(n) des selfs godshuys in deen side en(de) de voirs(creven) willem/ waelweyns en(de) henric arnts in dande(r) van allen de(n) vors(creven) stote/ en(de) punte(n) met alle des daer aen cleven mach bi rade van vriende(n)/ hen gesubmitteert en(de) v(er)bonde(n) in segge(re)n en(de) vriendelike yffene(re)n te/ wete(n) de voirs(creven) h(er) jacob van des voirs(creven) godshuys wegen [in] meest(er) roelof/ van beringe(n) p(er)soen d(er) kerke(n) van erpse en(de) wille(m)me va(n) hersele/ en(de) de voirs(creven) henric arnts en(de) willem waelweyns in janne van / ned(er)hem en(de) gheldolf van winde dieme(n) heet vand(er) lynden nat(ur)lic soen/ gheldolfs wilen van wynde dieme(n) vand(er) lynden gelijc tcomp(ro)mijs / van(den) scepen(en) va(n) loeve(n) d(aer) af gemaent [dat] volcomeliker inheeft en(de) begrijpt/ uut de(n) welke(n) de voirs(creven) vier segge(re)n yerst ov(er)hebbende in gescrifte/ alle tgheen dat elc vande(n) p(ar)tijen tot hae(re)n recht seggen en(de) allige(re)n/ woude(n) en(de) dat wael met goede(n) ripe(n) rade gevisiteert hebbende/ come(n) zijn voe(r) scepen(en) van loeve(n) en(de) hebbe(n) hae(re) segge(n) vande(n) stote/ voergheruert gep(ro)nu(n)cieert en(de) uutgedrage(n) ind(er) manie(re)n gelijc hier/ na ghescreve(n) steet inde(n) yerste(n) dat de voirs(creven) henric arnts den/ voirs(creven) godshuyse va(n) alle de onberuerlike(n) goede die tselve godshuys/ jege(n) den voirs(creven) wilen henricke(n) arnts sine(n) vad(er) en(de) jege(n) hem gecocht/ mach hebbe(n) de selve en(de) tvoirs(creven) godshuys opten dach van huden/ houdende is de(n) selve(n) godshuyse op dat des noet wesen sal behoirlike/ vesticheyt tot alle(n) plaetsen daer dat gheboe(re)n sal [geboert] doen sal op/des cost en(de) last des selfs godshuys seggende voert de voirs(creven) segge(e)n/ voe(r) hae(r) segge(n) alse van alsulken vier rijnssche gulde(n) erflik(er)/ rente(n) die de voirs(creven) henric arnts de voirs(creven) godshuyse bynne(n) ene(n)/ seke(re)n t(er)mijne sculdech was te bewisen en(de) te v(er)pande(n) of die te/ lossen en(de) af te legge(n) de(n) pe(n)ninc met sestiene(n) dat de voirs(creven)/ henric arnts en(de) sijn goede d(aer)af tot ewige(en) daghen los quyt
//
en(de) ongelast blive(n) en(de) zijn selen Noch hebbe(n) geseeght de voirs(creven) segge(re)n/ voe(r) hae(re) segge(n) dat tvoirs(creven) godshuys de(n) voirs(creven) henricke(n) [behoirlike] goedinghe en(de) en(de) vesticheyt/ doe(n) sal vande(n) voirs(creven) panhuyse tot beetse gelegen op de(n) co(m)mer d(aer) voer uut/ gaende en(de) voertaen op vier tsijs gulden erflik(er) renten alsulker als de/ brieve d(aer) op gemaect clairlik(er) begripe(n) en(de) inhoude(n) half dye[r]ste betalinge/ d(aer) af ingaende staphans na de doet des voirs(creven) henric arnts en(de) niet eer/ Voert hebbe(n) geseeght de voirs(creven) segge(re)n voe(r) hae(re) segge(n) also van alsulk(en)/ have(n) die de voirs(creven) m(ijn) vrouwe de p(ri)orynne de(r) voirs(creven) henricke(n) and(er)/ wile uut macht van scepen(en) brieve(n) va(n) bruessele af hadde doe(n) pande(n) gelijc/ dat de voirs(creven) henric die om gods wille wed(er) hebbe(n) sal in alsulk(er) manie(re)n/ en(de) w(er)den als die haire opte(n) dach va(n) heden is en(de) bevonde(n) sal werden/ porcheel voe(r) porcheel behoudelic die(n) so waermen t(er) goed(er) waerheit/ bevonde dat van dier have(n) e(n)nich porcheel gebrake datme(n) dat de(n)/ selve(n) henricke(n) oprichte(n) sal ter taxatien van goede(n) knapen die d(aer) af/ te spreke(n) wete(n) uutghevende noch de voirs(creven) segge(re)n voe(r) een segghen/ dat so wes brieve gescrifte(n) instrume(n)ten(n) en(de) ande(re) minute(n) e(n)nich vande/

p(ar)tijen sprekende ond(er) mach hebbe(n) ten wae(re) tvoirs(creven) godshuys de voirs(creven) henricke(n) ov(er)geve(n) sal de brieve vand(er) pachtinge(n) vande(n) goede(n) van oud(er)gheem/ tot beetse gelege(n) dinstrument vande(n) testamente des voirs(creven) wilen henric arnts/ de brie scepen(en) brieve va(n) bruessele en(de) desgelijx de brieve vande(n)/ voirs(creven) vier gulden(en) en(de) voert alle dande(r) brieve en(de) gescrifte als tvoirs(creven)/ godshuys ond(er) mach hebbe(n) aenrue(re)nde den voirs(creven) henricke(n) uutgescheide(n)/alsulken erfbrie... de brieve vande(n) onberuerlike(n) goeden die tvoirs godshuys/ vande(n) voirs(creven) wilen henricke(n) arnts en(de) henricke(n) sinen soen ov(er)heeft en(de)de/ in dese mate(n) sal de voirs(creven) henric arnts de(n) voirs(creven) godshuyse ov(er)gheven en(de)/ telmere(re)n den brief die hi ond(er) heeft vande(n) voirs(creven) godshuyse beseghelt/ mette(n) zeghele (der) voirs(creven) p(ri)orinne(n) en(de) voert alle ande(re) brieve aengaende de(n)/ voirs(creven) godshuyse en(de) sine(n) erve also ve(r)re als de voirs(creven) dhenric die/ ond(er)heeft En(de) hebbe(n) noch voert geseeght de voirs(creven) segge(re)n voe(r) een/ seggen dat beyde de p(ar)tjen voirs(creven)deen jege(n) den ande(re)n quijt en(de)/ vrij sijn selen van allen eysschinge(n) van [schat] schoude in wat manie(re)n sij deen/ den ande(re)n die eysschende mochte(n) zijn tot opte(n) dach van huden/voer Oec hebbe(n) de voirs(creven) segge(re)n voe(r) hae(r) segge(n)geseeght als van/ alsulk(er) mesdaet als de voirs(creven) henric arnts en(de) willem sijn zwagher/den met hae(re)n medeplichte(re)n den voirs(creven) godshuyseh aen [de voirs(creven)]hae(r) mole(n)/[ende ande(r) goede en(de) wynnen] tot beetse gelege(n)gedaen hebben dat elc van hen beyde(n)
//
bynnen eenre maent na dat sij des vande(n) voirs(creven) vier segge(re)n/ eendrechtichlic gemaent selen sijn p...treeke(n) [doen] selen en(de)... [een bedev(ar)t] tot s(en)te pet(er)s/ te romen en(de) als si van d(aer) wed(er) come(n) selen sijn dat si dan bynne(n) xl/ dage(n) d(aer) na trecke(n) selen [een bedev(ar)t] tot straesborch en(de) van elk(en) bedevart/ goede waerheyt br(en)gen na d(en) recht d(er) stat van loeven It(em) is noch/ hae(r) segge(n) dat de voirs(creven) henric [voe(r) hem en(de) hae(r) wille(m) sine(n) zwage(r) en(de) medeplichte(re)n ]/ inde(n) name en(de) tot behoef der vors(creven) m(ijn) vrouwe(n) der p(ri)orynne(n) en(de)/ hae(r) convent v(er)ghiffenisse bidde(n) en(de) zoene sal seggende/ voert de vors(creven) segge(re)n voer een segge(n) dat de voirs(creven) p(ar)tijen/ hier mede tot ewige(n) dagen gesleten gesoent en(de) v(er)yffent/ sele(n) zijn van alle(n) saken en(de) stucke(n) die si deen metten/ ande(re)n gaens en(de) uutstaende moge(n) hebbe(n) gehadt tot/ opten dach van hude(n) alle argelist hier in uutgescheide(n)/ absoloens voshem dec(embris) xx/