SAL7725, Akte: R°43.1 (30 van 276)
Akte R°43.1
Act
Transcriptie
2012-11-06 door Willy Van BruystegemVan henricke brughmans/It(em) na dien dat in recht comen zijn voe(r) meye(r) en(de) scepen(en) van/loeven inde banc ald(aer) henr(ic) brughma(n) gheert en(de) jan led(er)bijls/soen symoens wilen led(er)bijls die g welke symoen te same(n) mette(n) vors(creven)/henricke(n) geleydt was tot de(n) goeden jan brugmans vad(er) [brued(er)] des voirs(creven)/henrics in deen side en(de) henricke prochiaens in dande(re) daer de/voirs(creven) henr(ic) een aensprake dede tot de(n) vors(creven) henricke(n) brugmans gheerde/en(de) jan led(er)bijls gebruede(re)n Seggende dat sij hem mette(n) vors(creven) beleyde/ongebruyc maecte en(de) v(er)hielde iii rijnssche gul(den) erflik(er) rente(n) die hi heeft/op seke(re) goede en(de) pande gelege(n) te rotselaer gelijc scepene(en) brieve va(n)/rotselaer die de vors(creven) henr(ic) prochiaens ald(aer) inde(n) recht dede lesen/begrepe(n) en(de) inhielde(n) met alrehande waerde en(de) thoe(n)nisse die de selve/henr(ic) prochiaens daer toe beleyde Op dwelc de vors(creven) henr(ic) jan/en(de) gheert led(er)bijls hen v(er)antw(er)de(n) en(de) dede(n) seggen ond(er) den ande(re)n /dat kath(er)ine wile(n) ruwiers na(tuer)lic docht(er) jan wile(n) ruwiers en(de) moed(er)/des vors(creven) henr(ic) p(ro)chiaens voermaels de vors(creven) iii gulde(n) erflik(er) renten/aengesproke(n) hadde inde banc tot rotselaer dwelc dae ald(aer) v(er)antw(er)de/m(ar)griet weduwe arnts wile(n) brugma(n)s moed(er) des voirs(creven) jans brugma(n)s/van welk(er) siden de goede en(de) pande come(n) wae(re)n daer den vors(creven) co(m)me(r)/op gedaen was welc m(ar)griet bi d(er) goedinge(n) vande(n) iii gul(den) vors(creven) niet/en was na uutwisinge(n) vande(n) scepen(en) brieve va(n) rots(elaer) vors(creven) en(de)/dede(n) voert seggen de voirs(creven) henr(ic) brugma(n)s gheert en(de) jan gebrued(er)s dat/op die tijt de vors(creven) scepen(en) van rots(elaer) vand(er) vors(creven) sake(n) een hoetvaert/haelde(n) tot aende(n) scepen(en) va(n) loeven die hen gave(n) voe(r) een vo(n)nisse/dat alsulke(n) aensprake als de vors(creven) kath(er)ine tot de(n)r vors(creven) m(ar)grieten/vande(n) vors(creven) iii gul(den) gedaen hadde hae(r) noch hae(re)n erve gheen/ontstade doen en soude dwelc si boden te thoene(n) met scepen(en)/va(n) rotselaer daer si toe gewijsde(n) worden dwelc hen in /dier voeghen iii scep goede ma(n)ne op die tijt scepen(en) van rotsel(aer)/droege(n) en(de) tuyghde(n) worden de scepen(en) van loeven d(aer) op ge/maent die wijsde(n) voe(r) een vonnisse na aensprake na/v(er)antw(er)de na thoe(n)nisse en(de) na tgoede hoetvo(n)nisse dat d(aer) voermaels/op gehaelt was dat alsulke(n) aensprake als de vors(creven) henr(ic) p(ro)chiaens/gedaen hadde van drie gul(den) rijnsch erflex tsijs dat die de(n)/voirs(creven) henr(ic) brugma(n)s gheerde en(de) janne led(er)bijls noch hae(re)n beleyde/gheen ontstade doen en sal cor(am) d(omi)no lud(ovico) py(n)noc milite leyemi(n)ge(n)/mychael abs(oloens)[vynck] et hug(ar)den anno xxxi aug(usti) xx q(ua)rta/
Nagekeken door: Bart Thoelen , Sabrina Keyaerts
Moderator: Sabrina Keyaerts
Laatste update:: 2012-11-06 door Sabrina Keyaerts