It(em) het sijn come(n) in recht voe(r) meye(r) en(de) sente pet(er)s/ ma(n)ne van loeven inde banck aldaer de me h(er) claes van sente gorix in ridde(r) meye(r) van loeven in [jan van hoye op die tijt meye(r) van loeven] van wegen/ onss genedichs he(re)n des h(er)togen van braba(n)t in deen side/ en(de) joffr(ou) ka lacline van beve(re)n weduwe jans wilen/ van veelst van uederss in dande(r) daer de vors(creven) meye(r)/ van loeven een aensprake dede tot der vors(creven) joffr(ouwe) katline(n)/ seggende dat si aen onse(n) gendige(n) he(re) verboert hadde hoe(re)/ have en(de) dat bi desen redene(n) want si voermaels in state/ der heylig(er) kerken getruwt hadde ene(n) wittighe man gehete(n)/ gielijs herwerder de welke gielijs h(er)werder ene(n) seke(re)/ mortbrande te reppelmonde bynne(n)[den lande van vlaende(re)n] gedaen hadde en(de) dat/ dat wae(re) waer dat boet de vors(creven) meye(r) van loeven [te thoene(n)] mette(n)/ den ghene(n) daer voe(r) hi hem verleden hadde voe(r) welc/ faite de vors(creven) gielijs gericht was Seggende noch voert/ de vorscr(even) meye(r) van loeven want alsoe is dat de vors(creven)/ wilen gielijs voe(r) tvors(creven) fait gericht was dat dan sijn/ have aen onsen genedige(n) he(re) verboert soude wesen met/ alrehande meer en(de) vele redene(n) die de vors(creven) meye(r) van/ loeven tot onss genedighs he(re)n behoeff daer toe dede seggen [Seyde]/ daer op de vors(creven) joffr(ou) katline met hoe(re)n gelev(er)de voer/ spreke hoe(r) dede v(er)antwerden seggende dat alsulken aensprake/ als de meye(r) van loeven tot hoe(r) ende tot hoe(re) haven gedaen/ hadde hoe(r) noch hoe(re) haven gheen onstade doen en soude en(de)/ dat biden redene(n) hier na gescreve(n) Yerst alw(er)t alsoe/ dat de vors(creven) gielijs h(er)weider hem uut pine(n) verledene(n)/ mocht hebben soe en hadde hi dat [voe(r)] gheen wethoud(er)s/ gedaen mids den welken hoe(r) de vors(creven) aensprake gheen/ onsprake doen en soude seggende voert de voert de/ vors(creven) joffr(ou) katline dat op de tijt dat den yerste(n) daer / mortbrant gesciede hi was te sent joes op de zee en(de)/ dat doen dan ande(re)n gesciede hi was bynne(n) sine(n) huyse/ en(de) bi sine(n) wive op hoe(re) bedde En(de) dede oec noch voert
//
seggen de vorscr(even) joffr(ouwe) katline dat de vors(creven) wile(n)/ gielijs hoe(re) man voe(r) tvors(creven) faict bynne(n) d(er) stat van/ ghendt d(aer) hi porte(r) was gehoude(n) en(de) gevange(n) was/ alsoe dat de wet van ghendt te vele plaetsen/ met hoe(re)n brieve(n) dede kundige(n) dat hi voe(r) voe(r)/ al dusdanige(n) faite gevange(n) [wae(re)] en(de) off hem yema(n)t d(aer) aff/ betyen woude dat hi dan quame ald(aer) hem aldaer/ aen te spreke(n) d(aer) nyema(n)t en quam mer wart/ van dien faite uutgelate(n) met meer redene(n)/ die de vorsscr(even) joffr(ou) katline daer dede seggen en(de)/ dat tghene des vors(creven) is wae(r) wa(r)e dat boet de/ selve jouffr(ou) katline te thoene(n) met brieve(n) off met/ alsulk(er) waerheit als si d(aer)toe gecrige(n) soude conne(n)/ hopende en(de) meynende de vors(creven) jouffr(ou) katline soe wae(r)/ si dat gethone(n) conste dat hoe(r) noch hoe(re) have(n) de/ vors(creven) aensprake gheen onstade doen en soude Op/ dwelc de meye(r) van loeven maendde sente/ pet(er)s ma(n)ne van loeven die de p(ar)tie(n) wijsden/ tot hoe(re)n thonisse ten dach van thoenisse thoendde/ de meye(r) van loeven met twee goeden ma(n)ne/ te weten met ene(n) van onss genedichs he(re)n ma(n)ne/ van bourg(oig)[nen] braba(n)t in vlaende(re)n en(de) met/ ene(n) ande(re)n jonge(n) na man die onss genedichs/ he(re)n man niet en was noch die hem ghene(n)/ eet gedaen en hadde met die dyen(er) en(de) knecht/ was des bailhus van reppelmonde dat si d(aer)/ bi en(de) aen wae(re)n daer de vors(creven) gielijs de voerg(enoemde)/twee mortbrande voe(r) hen kendde en(de) lijdde/ dat hi de vors(creven) twee mortbrande gedaen hadde/ en(de) na desen thoendde de vors(creven) joffr(ou) katline/ met brieve(n) dat doen den yersten br mortbrant/ geschiede de selve gielijs te sent joes was
//
en(de) deen den ande(re)n doetslacht [mortbrant] geschiede dat hi/ doen bi sijn wijf op sijn bedde lach en(de) dat hi voe(r)/ tselve fait tot ghendt gevange(n) was en(de) daer voe(r)/ uutgelate(n) waert en(de) thoendde mette(n) getuyge(n) des/ vors(creven) meyers van loeve(n) dat den yerste(n) mortbrant/ op sent ons(er) liev(er) vr(ouwen) lichtmisse avont int jair/ xiiii[c] xxviii[o] gesciede d(aer) aff dat een vande(n) getuyge(n)/drech droegh dat wijs hi mine(n) gened(igen) he(re)/ van bourg(oig)[ne(n)] en(de) van braba(n)t ghene(n) eet gedaen en/ hadde en(de) dat hi den vors(creven) gielijs int gevancke/ nisse halp slaen etc(etera) H(ier) op worden sente pet(er)s/ ma(n)ne van loeven gemaent die wijsden voe(r) een vo(n)nis/ dat na aensprake na v(er)antworde(n) en(de) na thoenisse en(de)/ na al dats voe(r) hem hen come(n) was dat alsulken/ aensprake als de meye(r) van loeven inde(n) name van/ onse(n) gened(igen) he(re) van braba(n)t gedaen hadde d(er) selv(er)/ joffr(ouwe) katlinen gheen d noch hoe(re) have(n) gheen onstade/ doen en soude cor(am) lud(ovico) pynnoc m(a)g(ist)ro co(mmun)itat(is) d(omi)no/ lud(ovico) pynnoc milite egidio rike joh(ann)e de borchove(n)/ will(el)mo lombart judoco absoloen mychaele absoloen/ et q(uam)plu(ri)b(us) aliis ho(m)i(n)ib(us) s(an)c(t)i petri lov(aniensis) a(n)no xiiii[c] xxxi[o]/ sept(embris) vi