Van henricke vander calste(re)n/ It(em) h(er) yweyn van houthem ridder heeft uutgesedt alzulken quitinge als henric/ vander calste(re)n heeft aen alzulken xii cronen erfliker renten als de selve h(er) yweyn/ heeft op zeke(r) goide toebehoe(re)nde den selven henricke te lynden gelegen van/ kersmisse neestcomen(de) drie jaire langc sonder middel dair na volgende cor(am)/ lombart vynck julii xxvi