Item want stoet en(de) tebat opgeresen sijn tuschen henricke stake(n)borch/ ghijsbrechte joffr(ou) g(er)truden en(de) agneesen natue(r)lic kijnde(re) h(e)r(e)n jans wilen/ van berlaer hee(r) van helmont etc(etera)en(de) woute(re)n vo en(de) h(e)r(e)n symoen pynnoc/ ridder diena der ov(er)mids machte en(de) v(er)tuyt van scepen(en) brieve(n) van/ loven geleidt is tot den goeden wout(er)s van quaderebbe etc(etera) te en(de) den / selven woute(re)n en(de) joffr(ou) m(ar)griete(n) sijne(n) wive oec natue(r)lic dochter des/ voirs(creven) wilen h(e)r(e)n jans van berlaer die hij alle hadde van vrouwe m(ar)griete(n)/ wittige ghesellynne namails des selfs wilen h(e)r(e)n jans vanden om der/ deylingen wille vanden o(n)buerliken goeden dair inne de voirs(creven) joffr(ou)/ m(ar)griete tot hue(re)n behoeff en(de) tot behoeff des voirs(creven) henrix ghijsbrechts/ jofr(ou) gertruden en(de) agnesen hue(re)n bruede(re)n en(de) zuste(re)n voir meyer
//
en(de) scepen(en) van loeven van janne den bouten die na den rechte d(er) stat van loven geleidt was tot den goeden des voirs(creven) wilen h(e)r(e)n jans/ van berlaer gegoedt en(de) gheerft is gelijc scepen(en) brieve van loven/ dair op gemaect volcomelik(er) beg(re)pen en(de) inhouden dair om sijn/ alle de p(ar)tijen voirscr(even) comen voir scepen(en) van loven en(de) hebben hen/ vanden voirs(creven) stoete der voirs(creven) deylingen aengaende verbonden en(de)/ ghesubmitteert in segge(re)n en(de) vriendelic yffene(re)n te weten/ in lodewijc den rijcken rentm(eeste)r ons gened(ichs) h(e)r(e)n van brabant/ te loven janne den bonte voirs(creven) lambrechte van zonne en(de)/ jannes bochtman en(de) mychiele absoloens op also dat de/ voirs(creven) v segge(re)n en(en) mynlike yffen(er)en de voirs(creven) onberuerlike/ goede in v gelijcke deelen eendrechtichlic op hue(re) conscientie/ en(de) na hue(re) beste v zynne? scheyden en(de) deylen sullen dair om aff/ men dan tuschen de voirs(creven) p(ar)tijen v lote worpen sall en(de) een/ yegelic vanden p(ar)tijen sall hebben en(de) behouden tghene des hem/ metten lote vallen sal Geloven(de) de voirs(creven) p(ar)tijen dit aldus vast/ en(de) gestentich te houden sond(er) argelist vynck hug(ar)den dec(embris) iii/ It(em) dat comp(ro)mis sall dueren tot vrydach toe neestcomen/ en(de) dien dach all en(de) h(er) op es den dach vand(er) palingen tot/ he(re)nthals te wesen uutgestelt tot van heden in viii daegen/ dsavonts dair te sijn op dat de segge(re)n vand(er) deylingen niet/ eens en werden eisd(em)