Het sijn comen in recht voe(r) meye(r) en(de) scepen(en) van loeven inde/ banc aldaer goessen van molenbeke die na den recht d(er) stat/ van loeven come(n) en(de) geleydt is tot de(n) goeden jans en(de) claes/ marsielijs gebruede(re)n soene willems wilen marsielijs in deen/ side en(de) henric vand(er) balct dieme(n) heet oem en(de) jan hasart/ in dande(r) daer de voirs(creven) goessen met sinen gelev(er)den voirspreke/ inden rechte dede segge(n) dat de voirs(creven) henric en(de) jan hasart/ hem ongebruyck deden aen sine(n) beleyde vanden goeden hier na/ bescreve(n) ierst van drie sacke(n) rogs d(er) maten vand(er) vueren/ erflex pachts op huys en(de) hof geheten den horen des vors(creven)/ jans marsielijs gelege(n) t(er) vueren inde langhestrate met ande(re)n/ panden inde p(ro)chie vand(er) vuere(n) gelege(n) Ite(m) van ene(n) huyse en(de)/ hove m(et) sine(n) toebehoirte(n) gelege(n) t(er) vuere(n) inde lodders hoeck tussche(n)/ de goede jacobs van loeven en(de) de goede kath(er)ine(n) scays It(em) va(n)/ ene(n) huyse en(de) hove met sinen toebehoirte(n) gelege(n) t(er) vuere(n) inde/ papenstrate tussche(n) de goede goessen hanarts en(de) de goede des/ godshuys van vileer It(em) van ii s(chellingen)love(n)sche iii pe(n)ninge(n)/ en(de) ene(n) cap(uyn) erfs tsijs aen en(de) op ene(n) hof m(et) sine(n) toebehoirte(n)/ gielijs stercx gelege(n) t(er) vuere(n) inde langstrate neve(n) de goede/ henrics de wyn It(em) van i(½) ouden grote(n) en(de) ene(n) cap(uyn) erf/ tsijs op huys en(de) hof met sine(n) toebehoirte(n) jan bossarts gelegen/ ter vueren inde langstrate inde ba langstrat voirs(creven) It(em) ene(n) / half tsijs gulden erflic aen en(de) op huys en(de) hof met sine(n) toebe/ hoirte(n) jans custers gelege(n) bynne(n) der vriheyt vand(er) vueren/ tussche(n) de goede d(er) joffr(ouwe) van wilde(re) en(de) de goede jan colijns/ It(em) ii s(chellingen) lovensche en(de) ene(n) cap(uyn) erfs tsijs op huys en(de) hof met/ sijnre toebehoirte(n) henrics wechters gelege(n) oec ter vueren tussche(n)/ de goede claes berlijn en(de) de goede des selfs henrics It(em)/ xl s(chellingen) pay(ments) erflic aen en(de) op ene(n) hof met zijnre toebehoirte(n)/ jans colijns gelege(n) ter vueren daer men gheet t(er) capelle(n) w(er)t/ neve(n) de goede jans custers It(em) vijf pont payme(n)ts erflic/ op huys en(de) hof met sine(n) toebehoirte(n) arnts noetele(re)n
//
gelege(n) ter vuere(n) bute(n) d(er) hameyde(n) aldaer neven tstraetken gaende/ te holaer w(er)t en(de) v(er)socht de vors(creven) goessen aende(n) meye(r) van loeve(n)/ datme(n) hem houde(n) woude in sine(n) beleyde op dwelc de vors(creven) henr(ic)/ vand(er) balct en(de) jan hasart een aensprake(n) dede(n) tot den goede(n) en(de) tsijse/ voirscr(even) en(de) dede(n) yerst lesen ene(n) scepene(n) brieff vand(er) vueren daer in/ co(n)negunde wilen m(ar)sielijs diemen hiet fakart zust(er) der voirs(creven) gebruede(re)/ hen tot behoef haerre natuerliker kijnde(re) die si hadde van gielise vander/ balct de(n) jonghen bekendt hadde ii[c] gulden cronen op alle hae(re) goede/ have en(de) erve en(de) d(aer) af sij die(n) acht(er)volgende tvo(n)nisse genome(n) hadde(n) en(de) hen/ doen leyde(n) tot behoef d(er) voirs(creven) nat(ur)lik(er) kijnde(re)n tot de(n) voirs(creven) goede(n) waer/ bi sij dede(n) seggen dat hen tot behoef d(er) selv(er) kijnde(re) de vors(creven) goede/ volgen selen en(de) sculdech sijn te volgen want de vors(creven) wile(n) co(n)negunde/ der voirs(creven) goede wael mechtich was gelijc sij dat boden te thoenen oec/ deden de voirs(creven) henric en(de) jan segge(n) dat men dat also t(er) vuere(n) ov(er)/ vele jae(re)n gehanteert hadde met meer worden die si daer toe deden/ segghe(n) mids welke(n) redene(n) sij seyde(n) dat hen tot behoef d(er) vors(creven)/ kijnde(re) de vors(creven) goede volge(n) soude(n) en(de) sculdech wae(re)n te volghen/ daer op de voirs(creven) goessen hem met sine(n) gelev(er)de(n) voirspreke/ v(er)antw(er)de dseggende dat de vors(creven) aensprake hem noch sine(n) beleyde/ gheen ontstade doen en soude en(de) dat bij des(er) redene(n) want de vors(creven)/ wile(n) co(n)negunde der vors(creven) gebruede(re) wittighe zust(er) was en(de) dat si/ de naeste levende van hae(r) wae(re)n en(de) dat dat wae(re) waer dat boet hi/ te thoene(n) en(de) mette(n) minste(n) etc(etera) en(de) dat die vand(er) vuere(n) alsulke(n) recht/ niet en hadde(n) dat sij also met ene(n) brieve(n) diemen voe(r) scepen(en) vand(er)/ vuere(n) make(n) mocht e(n)nige goede beleyde(n) soude mogen oec dede noch/ segge(n) de voirs(creven) goessen dat doen de voirs(creven) wilen co(n)negunde de vors(creven) / brieve maecte de tochtersse vande(n) vors(creven) goeden noch leefde mids de(n)/ welke(n) de vors(creven) brieve va(n) negheenre werden sijn en soude(n) op dwelc/ de vors(creven) goessen meyndde dat hem en(de) sine(n) beleyde de vors(creven) goede/ volgen selen en(de) des wae(re) hi wael getroest tvonnisse also dat na/ dese(n) de meye(r) van loeve(n) maende de scepen(en) van loeven die/ wijsde(n) voe(r) een vonnisse na aensprake na v(er)antwerde en(de) na al dats voe(r)/ hen comen wae(re) dat den voirs(creven) goessen en(de) sinen beleyde de voirs(creven)/ goede volgen souden cor(am) d(omi)no lud(ovico) py(n)noc milite will(elm)o lombart mychaele/ absoloens et andrea de voshem scabinis lov(aniensibus) sept(embris) xxv anno p(rese)nti/