SAL7726, Akte: R°16.2 (14 van 274)
Akte R°16.2
Act
Transcriptie
2012-09-14 door Willy Van BruystegemItem want stoet en(de) tebat opverstaen is tuschen daneel trappart in deen/
zijde en(de) pete(re)n willemair jans soen in dander side van alsulken lande/als de voirs(creven) peter van vi mudde corens erfspachts op zeke(re) goede/
en(de) pande tot hoxhem en(de) tot comptich gelegen voer welke vi mudde/
corens de voirs(creven) daneel bynnen den myddelen tide eer hij den voirs(creven)/
pete(re)n de guedinge gedaen heeft de selve daneel de ond(er)pande uut/
gedaecht heeft so sijn d(aer) aff de voirs(creven) p(ar)tijen comen voe(r) scepen(en) van lov(en)/
en(de) hebben hen van desen stoete gesubmittert in segge(re)n te weten/de voirs(creven) peter in pete(re)n willemair vrancs soen vrancken van dieve/
en(de) jacob van meensele want sij alle iii over de yerste coma(n)scap/
wae(re)n en(de) met hen te weten de voirs(creven) peter in anthonijse van langrode/
en(de) de voirs(creven) daneel in janne van hoye en(de) hebben geloeft de voirs(creven)/
p(ar)tijen vast etc(etera) h(ie)r over wae(re)n haenwijc boys julii xii/
Nagekeken door: Inge Moris
Moderator: Inge Moris
Laatste update:: 2012-08-28 door Sabrina Keyaerts