Item want willem de smet zeke(re) aensprake meynt te hebben van wegen/ lijsbetten sijns wijffs dochter arnts van bossuyt op thuys geheten de mane/ so es comen voer scepen(en) van loven de voirs(creven) arnt en(de) heeft geloeft/ en(de) gewillecoert dat hij van alsulken al tsijse als hij erflic behelt/ op tvoirs(creven) huys nu(m)mermeer niet eysschen heffen noch bueren en sal/ voer aen dire tijt dat h de voirs(creven) willem smet en(de) lijsbeth sijn wijf/ alle hue(re) recht en(de) aensprake dat sij hebben op tvoirs(creven) huys affgegaen/ gederft sullen hebben tot behoeff lambrechts sh(er)togen alb(us) calstr(is) julii xii/