Cond sij allen liede(n) want stoet en(de) tebat geweest zijn w tussche(n)/ woute(re)n van lynthre in deen side en(de) baudewijn van halmale die/ zijnre docht(er) heeft in dande(r) alse van hondert en(de) vijftich g(ri)pen/ die de vors(creven) wout(er) de(n) vors(creven) baudewijn sine(n) zoene in huwelik(er)/ v(or)werde(n) geloeft heeft en(de) vande(n) haeflike(n) goede(n) des vors(creven) wouters/ en(de) desgelijx van alsulke(n) x mudde(n) corens erflecs pachts d(er)/ mate(n) van thienen die de vors(creven) wouter de(n) selve(n) baudewijn/ / oec in huwelik(er) rente(n) vorw(er)den gegeve(n) en(de) geloeft hadde so eest/ dat de vors(creven) p(ar)tien bi rade va(n) hae(re)n vrienden hier af eens worden/ en(de) v(er)accordeert zijn ind(er) voeghen en(de) manie(re)n gelijc hier na bescreve(n) steet/ Yerst so is vorw(er)de en(de) v(er)dedingt dat de vors(creven) baudewijn ov(er) hebbe(n)/ sal en(de) behoude(n) alle de haeflike goede beyde vliegende erve en(de) ande(re) have/ des vors(creven) wouters zijns sweers so wae(r) men die vijnde(n) mach of met/ wat name(n) die genoemt zijn uutgenome(n) twee bedde(n) met hae(re)n toebeh(oirten)/ vi cussene en(de) ene(n) eren pot en(de) een copren panne en(de) op dat also/ geboerde dat de voirs(creven) wout(er) vande(n) vors(creven) baudewijn toegh wone(n)/ so sal de selve baudewijn de(n) vors(creven) sine(n) zweer noch gheve(n) en(de)/ leve(re)n een coe een verken en(de) een cudden Behoudelic dien/ dat so wes haven de vors(creven) wout(er) nu uut de(n) hove en(de) in sijn/ behelt heeft dat hi die hebben en(de) behoude(n) sal en(de) voer dese/ voirs(creven) have die de vors(creven) baudewijn ald(us) ov(er) hebbe(n) sal so selen sal/ de vors(creven) wout(er) quijt en(de) ongehouden zijn vande(n) voirs(creven) c en(de)/ vijftich g(ri)pe(n) Oec is v(er)dedingt en(de) sijn de vors(creven) p(ar)tijen eens dat de/ voirs(creven) baudewijn [wout(er)] de(n) vors(creven) baudewijn sine(n) zoene bewijsen sal/ de voirs(creven) thien mudde(n) rogs erflic op goede seke(re) pande/ tot wanghe of d(aer) omtrent gelege(n) also dat de selve baudewijn/ des te vreden sijn sal voert is claerlic v(er)dedingt dat de vors(creven)/ wout(er) [erflic] v(er)copen mach te sijnre schout behoef iii mudde rogs d(er)/ mate(n) van thienen voirs(creven) daer toe de selve baudewijn hem/ hant en(de) mont lenen sal Waert oec also dat de vors(creven) wout(er)/ noet hadde van sinen live dat hi noch bove(n) de voirs(creven) iii mudde/ rogs erflic op sijn goede v(er)copen mach twee mudde rogs erflic/ d(er) mate(n) voirs(creven) tot de(n) welke(n) hem de vors(creven) baudewijn sijn zoene/ oec hant en(de) mont lenen sal Noch is clairlic ond(er)sproke(n) dat/ de voirs(creven) baudewijn de(n) voirs(creven) sinen sweer gheven sal/ elf jae(re) lanc vijf g(ri)pen te wete(n) xl pl(a)c(ken) voe(r)/ elke g(ri)pe gerekent tot sent jans misse bapt(is)[ten] te betale(n)/ en(de) telke(n) t(er)mijn alse v(er)volghde schout welke puntinghe/ en(de) yffeni(n)ghe de vors(creven) p(ar)tijen hebbe(n) geloeft voe(r) scepen(en)/ van loeve(n) hier ond(er) ghenoemt deen de(n) ande(re)n also v(er)re/ als die ene(n) yegelijc aengaen vast en(de) gestentich te houden/ en(de) [die] te voldoen in alle de(r) [vuege(n) en(de)] manie(re)n gelijc vors(creven) is en(de)/ telke(n) t(er)mijn alse v(er)volghde schout alb(us) calstr(is) julii x[a]